ඕන් මාත් සිංහලෙන් බ්ලොග් ලියන්න පටන් ගත්තා.
මටත් හිතුනා සිංහලෙන් බ්ලොග් එකක් ලියන්න. ඔළු ගෙඩියට ගලාගෙන එන අදහස් ටිකක් මට දැනෙන විදියට...
ඔන් අපි අයේත් ලෝකශුරතා අවසාන මහා තරගයකට තේරුණා. ලෝක කුසලානය පිළිබද අපේ තිබුනු හිනය ආයේත් අළුත් වෙන්නයි යන්නේ. අද නවසිලන්තය සමග තිබුණු තරගය අපිට ලේසියෙන්ම දිනාගන්න තිබුනත් අනවශ්‍ය පිඩනයක් සමග ජයග්‍රහණය කිරිමට සිදු වුයේ මැදපෙල පිතිකරුවන්ගේ තිබුන යම් යම් දුර්වලතා නිසයි. චාමර සිල්වා පන්දු 25කට ලකුණු 13ක් ලබා ගත්තත් පිතිකරනයේ තිබුනු දුර්වලතා හොදින් ඉස්මතු වි තිබුනා. බැරිවෙලාවත් අපි ලකුණු 100කට විතර කඩුළු තුන හතරක් ගිහින් තිබුනනම් ..... මැතිව්ස් වෙනදා වාගෙම පිඩනය හා ශරීරික දුර්වලතාද මගහැරගෙන ක්‍රිඩා කල විලාශය නම් අපුරුයි. 47 වෙනි ඕවරයේදි ඔහුගෙන් ලැබුනු හයේ එකයි හතරේ එකයි නිසා තමයි ප්‍රරෙසර් එක රිලිස් උනේ.. කොහොමින් කොහොමහරි දිල්ශාන්ගෙයි සංගගෙයි පට්නර්ෂිප් එකතමයි අපිට මේ තරගෙ දිනන්න උදව් උනේ. ෆයිනල් එකේදිවත් මහේල හොදින් සෙල්ලම් කරයි කියලා හිතනවා. තරංගත් අහක යන බොල වලට බැට් එක දාලා අවුට් නොවි හොදින් සෙල්ලම් කරොත් වර්ඩ් කප් එක අපෙන් උදුර ගන්න කාටවත් බැ. මුරලි ෆයිනල් මැච් එකට සෙල්ලම් කරාවිද ?
ඔහොමින් කොහොමහරි අපේ සිංහයන්ට සුභපතනවා ලොක කුසලානය අපේ රටට ගෙන්න ශක්තිය ලැබේවා..... කියලා
World Cup 2011 SL by ahamednishadh
දිගටම කියවන්න ->>
දැන් ලොකයේ වැඩිපුරම කතාබහට ලක්වෙන රටලෙස ලිබියාව අවිවාදයෙන් සදහන් කල හැකිය. ලිබියාවේ දැන් සිදුවෙමින් පවතින්නේ කුමක්ද කියා මුළු ලොකයාම ඇස් ඇරගෙන බලා සිටියි. ලෝක පොලිස්කාරයා වන ඇමරිකාවේ හා ඊට පක්ශපාති රටවල් ලිබියාවට එරෙහිව කරනු ලබන මෙම යුද්ධය පිලිබදව යම් යම් මතවාද ගොඩනැගි තිබුනත් මෙහි ඇත්තටම සිදුවන්නේ කුමක්ද? ඇමරිකාව මේ උත්සාහ දරන්නේ තවත් ඇෆ්ගනිස්ථානයක් එහෙමත් නැතිනම් ඉරාකයක් නිර්මාණය කිරිමට මාන බැලිමද?
ටියුනිසියාවෙන් ඇරබි මැද පෙරදිග ජනතානැගිටිම ඊජිත්තුව,බහරේනය,යේමනය,ජෝර්දානය,තුර්කිය, ඉරානය වැනි මැදපෙරදිග රටවල් කරා කෙමෙන් වියාප්ත විය. එහෙත් එම විප්ලවයේ අවසානය ලිබියාවෙන් සිදුවේවිද?
ලිබියාවට කරන දෙය බහරේනයට කිරිමට ඇමරිකාව ප්‍රමුඛ මෙම යුරෝපිය රටවල් මැලිවන්නේ ඇයි. හේතුවක් ඇත. බහරේනය ඇමරික්න් හිතවාදි රටකි. ඇමරිකන් බහුජාතික සමාගම් වලට අවශ්‍ය ආකාරයට බහරේනයේ ඇති තෙල් ටික ලබා ගැනිමට පුළුවනි. නමුත් ගඩා‍ෆි යනු ඇමරිකන් විරෝධියෙකි. ඇමරිකාවටවත් ඇමරිකන් බහුජාතික සමාගම් වලටත් අවශ්‍ය ආකාරයට ලිබියාවේ තෙල් ටික ලබා ගත නොහැක. මෙතන ඇති ප්‍රධාන සාධක ය වනුයේ මේ තෙල් ටිකයි.
තවද ඇල්ජිරියාවේ සිට නයිජිරියා දක්වා තෙල් නල මාර්ගයක් නිර්මාණය කිරිමට ඇමරිකාව සුදානම් ව සිටියත් එයට ගඩා‍ෆි විරුද්දවිය. මෙයද එක් හේතුවක් වුවා විය හැකිය. එහෙත් පුදුමයට කාරණාව නම් දින දෙක තුනක් ඇතුලත ලිබියාවට පහරදිම සදහා මෙවැනි හමුදාවක් හා අවිආයුධ සුදානම් කිරිමයි. ඉරාකයට පහර දිමට ඇමරිකාව සුදානම් වුයේ එක්දහස් නවසිය අනු ගනන්වල සිටයි. එසේ නම් ලිබියාවට පහර දිමද දිර්ඝකාලින සැලසුමක ප්‍රතිඵලයක් විය හැකිය.
අද එක්සත් ජාතින්ගේ සංවිධානය හා මහලේකම් ඇමරිකන් රුකඩයක් වි ඇත. ඇමරිකානු ප්‍රතිපත්ති ක්‍රියාත්මක කිරිම හා ඇමරිකාවට අවනත නොවන රටවල් වලට අතපෙවිම මෙහි මුලික කාර්ය්‍යය වි ඇත. ඊශ්‍රයලය පලස්තිනයට හා ලෙබනනයට පහරදෙන විට ඇමරිකාව හා එක්සත් ජාතින්ගේ සංවිධානය නිහඩ ප්‍රතිපත්ති අනුගමනය කලත් මෙවැනි ඇමරිකන් විරෝධි රටවලට කිවිසුමක් ගියත් ඇමරිකන්කාරයෝ අවි අමෝරාගෙන ඒ රටවල් වලට පහර පිට පහර දෙයි.
මෙයින් පෙනි යන එක් සත්‍යක් ඇත. එනම් ඇමරිකාවට පක්ෂපාතිව හා ඇමරිකන් මතයට එහෙයි කියාගෙන ඉන්නා රටවල් වලට ඉදිරියට යා හැකි උනත් එම මතයට විරුද්ධ වන රටවල් වලට සිදුවන ඉරනම මෙය බවත්ය.......
දිගටම කියවන්න ->>
ඉන්දියානු වාස්තුවිද්‍යාවරයෙකුවන ජය ප්‍රකාශ් ශර්මාගේ පොතක තමයි මේ උපදෙස්ටික තිබුනේ. කියවලා බලන්න. ප්‍රයෝජනවත් වේවි කියලා හිතෙනවා..
1.නිවසක් සැදිමේදි ඉඩමක් තෝරාගැනිමේදි සැම විටම හත‍රැස් ලෙස පිහිටවන්නා වු චතුරස්‍ර භුමිය වාසයට වඩා සුදුසු වේ. මෙම ඉඩම් ආර්ථිකය වර්ධනයට මෙන්ම ධන වසනාව වැඩි කිරිමටද උපකාරිවේ.
2.උතුරු දිශාවට බැවුම් ඇති භුමිය ඉතා වසනාවන්ත එකකි.
3.නිවසක දොර ජනේල දෙකෙහි එකතුව ඔත්තේ සංඛ්‍යාවක් විම ශුභය.දොර උළුවහු ගනන ඔත්තේ ගනනක් විමද,ජනේල ගනන ඉරට්ටේ සංඛ්‍යාවක් විමද ශුභය.එහෙත් ඒ දෙකෙහි එකතුව 17ක් විම අශුභය.
3.නැගෙනහිර,දකුණ,බටහිර යන දිශාවලට ප්‍රධාන දොර තබා සාදන නිවෙස් දිනෙන් දින දියුණුවට පත්වේ.
4.උතුරට,දකුණට,නැගෙනහිරට,බටහිරට මෙම දිසා හතරටම පිවිසුම් දොරටු නිර්මාණය කර ඇති "විජය" වර්ගයේ නිවාස තුල ධන සම්පත් නිරන්තරයෙන් රැදෙන සෞභාග්‍යමත් නිවසක්වේ.
5.නිවසක මුල්ගල තැබිමේදි මුල්ම මුල්ගල ඊශාන දිශාවෙන් තැබිම සුභය.
6.නිවසේ උතුරේ හෝ ගිනිකොණ පෙදෙසේ වතුරමලක් පිහි‍ටුවාලිමෙන් ධන වාසනාව වැඩිවේ.
7.නිවසක මැද කොටසේ ජලයට සම්බන්ද කිසිදු දෙයක් නොතැබිය යුතුය.(මාළු ටැංකි,වතුර මලක්,පොකුණක්)
8.වයබ දිශාවේ දේවරුප තැබිමෙන් දෙවියන්ගේ ආශිර්වාදය වැඩිපුර ලැබේනු ඇත.
9.නිදන කාමරය තුල කිසිවිටක දේවරුප ,බුදුපිළිම ආදිය තබා ගන්න එපා.
10.නිවසේ කුණු රොඩු අතුගාන විට ඉදිරි දොරකඩ සිට ඇතුලට අතුගාගෙන යන්න.නිතරම අතුගාන්නේනම් එම නිවසේ මුදල් ඉතිරි කිරිම තරමක් අපහසු වනු ඇත.
11.පිච්චිගිය බල්බ් කිසිවිටක ගේ ඇතුලේ තබා ගන්න එපා.
12.ඔබගේ කුණු බාල්දිය සැම විටම(විශේසයෙන් රාත්‍රි කාලයේදි) නිවසින් පිටත තබන්න.නිතරම මුඩියක් සහිත කුණුබාල්දියක් බාවිතා කරන්න.
13.නිවසේ ලිප යනු ධනයේ සංකේතයයි. එම නිසා නිතරම ලිප පිරිසිදුව තබන්න.
14.නිවස තුල නිතරම රණ්ඩුසරුවල් ඇතිවේනම් ලෙමන් හෝ රොස්බෙරි සුවද විලවුන් ජලයට මිශ්‍රකර ස්ප්‍රේ කරන්න.
15.නිවසේ කැඩුනු බිදුනු දේ ආදි කුණු කන්දල් විසිකර පුළුස්සා දමන්න. එවිට මුදල් ඉතුරුවද අඩදබරද නිතර රෝගාබාද ඇතිවිමද අඩුවි යනු ඇත.
16.පවුලේ සමිපබව වැඩි කර ගැනිමට සාලයට කහ පාට ආලේප කරන්න.
17.ඔබගේ විවාහය පමාවේ නම් සාලයේ නිරිතදිග කොටසේ ප්‍රේමාන්විතව වැළදගෙන සිටින යුවලකගේ කළාත්මක රුපයක් හෝ කුරුළු ජොඩුවකගේ රුපයක් එල්ලන්න.
18.නිදන කාමරයේ ඇද පරාවර්ථනය වි පෙනෙන ආකාරයට කන්නාඩි මේසය නොතබන්න.
19.ජලයට සම්බන්ද කිසි දෙයක් නිදන කාමරය තුල නොතබන්න.
20.ඔබගේ දරුවා ඉතා දගකාරනම් එම දරුවාගේ කාමරයට ලා පාටක් ආලේප කරන්න.
21.නිදන කාමරයේ රුපවාහිනි ආදිය තබා ඇත්නම් නින්දට යාමට පෙර එය රෙද්දකින් ආවරණය කරන්න.
22.විවාහක යුවලක් නිදාගැනිම සදහා පාවිච්චි කල යුත්තේ එකම ඇදක එකම මෙට්ටයක් පමනි. මෙට්ට දෙකක් හෝ ඇදවල් දෙකක් එකට ලංකොට ඒ මත දෙදෙනා නිද ගැනිමෙන් වලකින්න. මේසේ කිරිම ඉතා අශුභ වේ.
23.මකුළුදැල් යනු මුදල් ශක්තිය එකතැන පල්විමේ ක්‍රියාවලිය වනගන්වන්නකි. ඉම නිසා මකුළු දැල් තිබිම ඉතා අශුභය.
24.වැසිකිළියේ කොමඩය නිතරම වසා තබන්න.ෆ්ලෂ් කරන විටදි පියන වසා ෆ්ලෂ් කරන්න.
25.කුඩා මුට්ටියකට සම්පුරනයෙන් කාසි පුරවා නිවසේ බටහිර පෙදෙස පිරිසිදු කර එහි තබන්න. මෙම මුට්ටිය රතුපාටින් ආලේප කරතැබිම වඩාත් සුදුසුය. ධනය වර්ධනය වේ.
26.ජල කරාම තුලින් ජලය කාන්දුවේනම් එය ඉක්මනින් පිලියෙල කරන්න. ජලය කාන්දුවිමක් යනු ධනය කාන්දුවිමකි.
27.නිවසේ ඉදිරි ප්‍රදාන දොරට ගෙට්‍ටුව කෙලින්ම පිහිටා තිබිම අශුභය.
28.නිවසේ සියළු ඔරලෝසු ක්‍රියාකාරි ඒවා විය යුතුය. අක්‍රිය ඔරලෝසු ඇත්නම් ඒවා පිලිසකර කරන්න. එසෙ කිරිමට නොහැකිනම් එව ඉවත් කරන්න. ඔරලොසුව ඔබගේ මුල්‍ය වර්ධනය පෙන්නුම් කරයි.
දිගටම කියවන්න ->>
මෙවර පැවැත්වු පළාත් පාළන ජන්දයෙන් එ.ජා.ප යට දැවැන්ත පරාජයකට පත්ව තිබේ. පළාත් පාලන ඡන්ද විමසීම පළාත් පාලන ආයතන 234 ක පැවැත්වු අතර ඉන් පළාත් පාලන ආයතන 205 ක බලය දිනා ගැනීමට එක්සත් ජනතා නිදහස් සන්ධානය සමත්ව තිබේ. එහෙත් එ.ජා.ප. යට බලය ලබා ගැනිමට පුලුවන් වෙලා තිබෙන්නේ ආයතන 09 ක් පමණි. මෙවර කැපි පෙනෙන වෙනසක් ලෙස එ.ජා.ප. මෙවර පළාත් පාලන ආයතන බලය දිනා ගැනීම අනුව තුන්වන ස්ථානයට පත්ව තිබේ. මෙයට හේතුව කුමක්ද? මේ ආකාරයට එ.ජා.ප. ජනතාවගෙන් ප්‍රතික්ෂේප විමට හේතුව කුමක්ද? අසාර්ථක නායකත්වයද? පක්ශයේ තිබෙන නායකත්ව බල අරගලය නිසාද? ....
එ.ජා.ප. මහ සමුළුව පවත්වා දින 90 කට වඩා ගතවි තිබුනත් පක්ෂය තුල කිසිදු ප්‍රතිසංවිදානයක් මෙවර පළාත් පාළන ජන්දයට ප්‍රථම නොපැවැත්විම මිට හේතුවක් ලෙස මා දකිමි.නමුත් ජන්දයට පෙර එ.ජා.ප. යේ පොරවල් පාරම්බැවේ මෙම ජන්දය ආණ්ඩුව ගෙදර යවන පලමු මැතිවරණය වනු ඇති බවයි. නමුත් වෙලා තිබෙන්නේ එ.ජා.ප. ජනතාවගෙන් ප්‍රතික්ෂේප විමයි. එ.ජා.ප. නායකයින් මෙය හොදින් තේරුම්ගත යුතුව ඇත. තමන්ට තිබු ආයතන වල බලයවත් රැක ගැනිමට එ.ජා.ප. ට මෙම මැතිවරණයෙන් නොහැකි වි ඇත.
තවද මෙවර ජ.වි.පෙ ටද සිදුවි ඇත්තේ එ.ජා.ප. සිදු වු දේමය. ජ.වි.පෙ නායකයින්ද තේරුම් ගත යුතු දෙයක් ඇත. ලංකික ජනතාව තවම වෙනසකට සුදානම් නොමැති බව හා ඔවුන්ගේ තාර්කික සටන් පාඨ තවම ලංකාවට නොගැලපෙන බව.(මොකද ලංකාවේ තවමත් ඉන්නේ පිටරට ගොන් කිරි බි හැදෙන උන් නිසා...)
එහෙත් මෙම මැතිවරනයෙන් එක් දෙයක් හොදින් පැහැදිලිව පෙනි ඇත. එනම් අපේ රටේ ජනතාව බඩගොස්තරවාදින් නොව කළගුණදන්නා.... හොද...බුද්ධිමත්... දේශප්‍රේමින් බවයි..... :-)
දිගටම කියවන්න ->>
රාවණා යන නම ලාංකික අපිට නුහුරු නමක් නොවෙයි. නමුත් කුමක් හෝ කාරුනක් නිසා රාවණා රජුගැන අපි දැන සිටින කරුණු කාරනා අල්පයැයි මට සිතේ. පාසලේදි ඉතිහාසය ඉගනගැනිමේදි පවා අප රාවණා කෙනෙකු ගැන සදහනක්වත් අසන්නේ නැත. අපිට ඉගැන්නු හා ඉගන්වන ඉතිහාසය අනුප අප පැවත එනුයේ විජය රජුගෙන් යැයි අපි උගනෙමි. එහෙත් මෙය සත්‍යක්ද? මා අසා හා කියවා ඇති කරුණු අනුව විජය යනු මුහුදු මංකොල්ලකරුවෙකි.(ඒ පිලිබදව ඉදිරියේදි සටහන් තබන්නේමි.) එහෙත් කුමන හේතුවක් නිසා අපි රාවණ ඉතිහාසය වසන්කරගෙන සිටිනවාදැයි මා හට වැටහිමක් නැත. මේ පිලිබද ව මා සොයාගත් හා එකතුකරගත් කරුනු අනුසාරයෙන් රාවණා පිලිබදව ලිපි මාලාවක් ලිවිමට අදහස් කලෙමි. ඉතින් අද පටන් අපේ ප්‍රෞඩ රාවණා ඉතිහාසය ගැන විස්තර කෙරෙන ලිපිමාලාවේ පලමු ලිපිය මෙයයි. ඔබලගත් මෙවැනි කරුනු අලලා ඇති ලිපි තිබේ නම් අපත් සමග බෙදාහදා ගන්නා ලෙස ද ඉල්ලා සිටිමි.....
මනු රාජවංශය අවසාන වූවායින් පසුව, තවත් රාජ වංශ තුනක් ගැන ඉතිහාසයේ සඳහන් වෙනවා, ඒ පිළිවෙලින් තාරක [වසර 10,000 කට පෙර] මහාබාලි [වසර 7,500කට පෙර] රාවණා [වසර 5,000- කට පෙර] ආදී වශයෙනුයි.
මහාවංශයට වඩා ඉපැරැණි ලියෑවිල්ලක්‌ වන වරිග පූර්ණිකා නම් යක්‌ෂ ජන සමූහයාට අයත් පුස්‌කොළ පොතෙහි ශ්‍රී රාවණ අධිරාජයාගේ නාමය යගු කෞරාණ මන්ඨක ලෙස සඳහන් වේ. මන්ඨක යනු යකුය. එබැවින් එම නාමයෙහි සිංහල තේරුම “සියල්ල සම්පූර්ණ කළ යකා” වේ.
මහා සෘෂි වෛශ්‍රවන (වෙසමුණි ) රාවණ රජුගේ පියා වන අතර මව කකේසී නම් ධෛත්‍ය මහේෂිකාවයි.විභීෂණ, කුම්භකර්ණ හා අහිරාවණ ලෙස රාවණාට එක කුස උපන් සොයුරන් තිදෙනෙකි.තවද කෛකේසිය ‘මීනාක්ෂි’ නම් දියණියකට ද උපත දුන්නාය. සුපනඛා ලෙස කුප්‍රකට වුයේ රාවණාගේ සොහොයුරියයි.රාවණා විස්තර වන්නේ ශිවගේ භක්තිවන්ත ශ්‍රාවකයෙක්, මහා ප්‍රාඥයෙක්, දක්ෂ පාලකයෙක් හා සුප්‍රසිද්ධ වීණා වාදකයෙක් වශයෙනි. හිස් දහයක් ඇත්තෙක් (දසිස් , දශ ශීර්ෂ) ලෙස සමහර ස්ථාන වලදී රාවණා රජ වර්ණනා කර ඇත්තේ සිව් වේදය හා ෂඩ් උපනිෂද් ධර්මයන්ට අදාළ විශිෂ්ඨ දැනුමක් සහිතව මහා ප්‍රාඥයන් දස දෙනෙකු තරම් බලවත් ඥාන සම්භාරයක් අත් කරගෙන සිටි නිසා යැයි පැවසේ.රාවණා යනු විශිෂ්ඨ ග්‍රන්ථ සම්පාදකවරයෙකි. නක්ෂත්‍රය හා ජ්‍යෝතිෂයට අදාල බලගතු ග්රන්ථයක් වන ‘රාවණ සංහිතා’ නම් කෘතිය රාවණ රජු විසින් සම්පාදනය කරන ලද්දකි. එමෙන්ම ආයුර්වේදය හා රාජ්‍ය පාලනය සම්බන්ධව පරිපූර්ණ දැනුමක් ඔහු සතු විය. -අ‍ායුර්වේදයට අදාලව වෛද්‍ය ග්‍රන්ථයන් ද ඔහු විසින් සම්පාදනය කර ඇතැයි සැලකේ.- මහා බ්‍රහ්මයා විසින් ලබාදුන් දිව්‍යමය වරයකට අනුව අමරණීය බව ලබා ගත හැකි පානයක් ඔහු සතුව තිබුණු බව පැවසෙන අතර එය ඔහුගේ නාභියට යටින් රඳවා තබා ඇත.
රාවණා යුගයෙන් පසුව එතුමාගේ රවිශෛලාශ හෙවත් ඉරුගල් බණ්‌ඩාර යක්‌ෂ පරපුර ඉන්ද්‍රජිත් (මේඝනාද) ලෙස ප්‍රචලිත ශ්‍රී රාවණ රජු හා මදෝරා (මන්දෝතාරා) දේවියගේ දෙටු පුත්‍රයාගෙන් පැවත එමින් අද දක්වා ලංකා පොළොව මත ජීවත් වෙයි. රාවණා සම්බන්ධ පුවත වළලා දමා හෙළ ජනසම්භවය මැකීමේ මහා කුමන්ත්‍රණයට බ්‍රිතානීන් ද සම්මාදම් වෙමින් ලංකා ඉතිහාසයෙන් රාවණා යුගය ඉවත් කර ඇත. ඉන්දියාවේ කාලිංග වංශික විජය මෙරට ආදිතම රජු ලෙස දක්‌වන අලුත් ඉතිහාසයක්‌ ඔවුන්ගේ අධ්‍යාපන ක්‍රමය ඔස්‌සේ ලංකාවේ අපට බලෙන් ඒත්තු ගන්වා තිබේ. නමුත් බෞද්ධයකු නොවන විජය හෙළ ජන සමාජය සමූල ඝාතනයට උත්සාහ කළ ප්‍රබල ආක්‍රමණිකයකු බව අපට නොවැටහීම අභාග්‍යයකි. රාම, විජය, එළාර, කාලිංග මාඝ, බ්‍රව්නින් මෙන්ම ප්‍රභාකරන් ද මෙරට ජන සම්භවය විනාශ කිරීමට උත්සාහ කළ ආක්‍රමණිකයන් ලෙස සැලකීම වටී. ඊට එරෙහිව නැගී සිටි ලොව පැරැණිතම ඉතිහාසයක්‌ ඇති රාවණා පරපුර කිසි කලෙකත් නොනැසිය හැකි බලවේගයක්‌ බව වර්තමානයේදී පවා පැහැදිලි වේ.
මහා රාවණ ඉතිහාසයේ එන පුලතිසිපුරය හෙවත් දෙමළ බසින් පුලත්නරු නම් වන පුලතිසි සෘෂිවරයාගේ නගරය මෙරට ස්‌වර්ණමය යුගයකට උරුමකම් කියන භූමියකි. එහි ඇති පුලතිසි ප්‍රතිමාව ලංකා ඉතිහාසයේ අනාදිමත් කාලයක්‌ නිරූපණය කරන ප්‍රබල පුරාවිද්‍යා සාධකයකි. කිසිදු රාජ්‍ය ආභරණයක්‌ නොපළඳින උතුම් යෝගිවරයකු ගේ ස්‌වරූපය පිළිබිඹු වන මෙම ප්‍රතිමාව පරාක්‍රමබාහු රජුගේ යෑයි පැවසීම ලක්‌ වැසියන් මුළා කිරීමක්‌ වන අතර එම නගරය පොළොන්නරුව යනුවෙන් ව්‍යවහාරයට හුරු කිරීම මෙරට ඉතිහාසය වසන් කිරීමේ තවත් වෑයමකි. වර්තමාන පරාක්‍රම සමුද්‍රය පිහිටි භූමිය අතීතයේ පුලතිසි සෘෂිවරයාගේ තපෝවනය වේ. පරාක්‍රමබාහු මහා අධිරාජ්‍යයා පවා මෙම ප්‍රතිමාවට පුද සත්කාර කළ රාජ්‍ය පාලකයෙකි. වර්තමාන පොත්ගුල් විහාරය අතීතයේ මෙරට බෞද්ධ, වෛද්‍ය ග්‍රන්ථ හා යන්ත්‍ර මන්ත්‍ර රැස්‌ කළ ප්‍රධාන පුස්‌තකාලයව පැවැති අතර කාලිංග මාඝගේ ආක්‍රමණයෙන් මෙහි පැවැති රාවණ යුගයට අයත් ශ්‍රී රාවණ, පුලතිසි මහා සෘෂිවරුන්ගේ අත් අකුරු සහිත ග්‍රන්ථ කොටස්‌ පවා විනාශයට පත්විය.
රාවණා වත නැමති පුස්කොළපොතට අනුව සීගිරියේ සැකසුම් ශිල්පියා වන්නේ "මායා දන්නාව" නමැත්තායි. හෙතෙම සීගිරිය තනන්නට යෙදුනේ රාවණා ගේ පියා වූ විස්තවාස රජු [වෙසමුණි] ගේ නියෝග පෙරදැරි කරගෙනයි. එකල සීගිරිය, ආලකමන්දාව නමින් හැඳින්වූ අතර කුවේර රජ සමය එය හැඳින්වූයේ චිත්‍රකූට නමිනුයි. පසුව, රාවණාගේ අභාවයෙන් පසුව "විභීශණ" රජකමට පත් වූ අතර හෙතෙම තම රාජධානිය කැළණියට ගෙන ගිය අතර ආලකමන්දාව ට විභීශණගේ ඥාතියෙකු වූ යක්ඛ වංශාධිපතියෙකු වූ චිත්තරාජ තම වාස භවන ලෙස යොදා ගත් බව එහි සඳහන්. තවද, චිත්තරාජ යනු පණ්ඩුකාභය කුමරු [ක්‍රි.පූ.437-367] හට රජකම ලබාදෙන්නට උපකාර කල අයගෙන් කෙනෙක්, ඒ පණ්ඩුකාභය කුමරු ගේ දෙමාපියන් යනු චිත්තරාජ ගේ වංශයෙන් පැවතෙන්නන් වූ බැවින්.
තවද, රාවණා වතෙහි කියැවෙන ලෙසට,පණ්ඩුකාභය රජ දවසින් පසුව ධාතුසේන රජුගේ පුත්‍රයා වූ කස්සප කුමරු තම වාසභවන ලෙස චිත්‍රකූටය ලෙස තෝරාගත්තේ ඔහු ගේ මව යක්ඛ ඇදහිලි විශ්වාස කරන්නියක් වූ බැවින් හා ඇය ද ඉන් පැවතෙන්නියක් නිසාවෙන්. කස්සප රජු යනු චිත්තකූටය රාවණා කල අයුරින්ම ප්‍රතිසංස්කෘත කල හා පවත්වාගෙන ගිය එකම රජතුමා ද වෙනවා.චිත්තකූටයේ [පසුව සීගිරියේ] ඇති ලෝපසිඳු බිතුසිතුවම් වලින් දැක්වෙන්නේ සිවුහෙළයත් එහි ඇති නිල්පැහැති කාන්තාරූපයෙන් පෙන්වන්නේ යක්ඛ ගෝත්‍රය බවත් අනෙක් කාන්තා රූ වලින් දැක්වෙන්නේ නාග, දේව සහ ගන්ධබ්බ යන ගෝත්‍ර වල නියෝජනය බවත්, අලංකෘත මල් වලින් දේශයේ එකමුතු බව පෙන්වන බවත් රාවණා වතෙහි සඳහන්.
තවත් එක් විශේෂ කාරණාවක් වන්නේ චිත්තකූටය යනු දැවයෙන් නිර්මිත සෝපානයක් ඉහල සිට පහලට ක්‍රියාකර වූ සිරිලක එකම බලකොටුව ද වෙනවා.සිංහ කට අසල සිට ඉහලට විද නිර්මිත කුහරය තුල මේ දැවයෙන් නිර්මිත සෝපානය දිනපතා සේවයේ යොදවාගත් බව සඳහන්.
පුරාවිද්වතුන්, ඉතිහාසඥයින් උපකල්පනය කරන ආකාරයට දඬුමොණරය, හිමාලයෙන් ගෙන එනලද සැහැල්ලු දැවයෙන් නිර්මාණය කරන්නට ඇතිබව සඳහන්. තවද, සීගිරිය වටා එහි රූප පන්සියයක ට අධික ප්‍රමානයක් චිත්‍රණය කරත් ස්වාභාවික හේතූන් මත කාලයත් සමඟ ඒවා මැකීගොස් ඇතිබව කියැවෙනවා. තව ද රාවණා යනු වෙදකමෙහි මෙන්ම කලාවේ ද කෙල පැමිණියෙකු වන නිසා ඔහුට හිස් දහයක් හා අත් විස්සක් ඇතැයි කීමට හේතුවක් කරගත්තා ද වන්නට පුළුවන්.
මීළඟ පුරාවිද්‍යා සාධක හමුවන්නේ වර්තමාන අනුරාධපුර නගරයෙනි. එය ලංකාවේ ප්‍රබල පාලකයකුව සිටි වෙසමුණි (විශ්‍රාවාස මුණි) හෙවත් ඉසුරුමත් මුණිවරයාගේ ඉපැරැණි රාජධානිය පැවති ලොව පැරැණිතම ශිෂ්ටාචාර භූමියකි. වෙසමුණි, පුලතිසි මහා සෘෂිවරයාගේ පුත්‍රයා වන අතර එතුමා මහා රාවණ විභිෂ්බද්‍ර (විභීෂණ) දසරෝලාන මන්ඨක (කුඹුක්‌කන්) යන ප්‍රබල යක්‌ රජුන්ගේ පියාය. “මිල කළ නොහැකි” යන අරුත ඇති වර්තමාන රන් මසු උයන මත පිහිටා ඇති විශ්ව දොරටු සංකේතය. තරු දොරටු සංකල්පයේ මූලාරම්භය වේ.
මෙම සංකේත වර්තමාන පුරාවිද්‍යාඥයනට හඳුනාගත නොහැක්‌කේ හා අදහස් ප්‍රකාශ කළ නොහැක්‌කේ ඔවුන් තුළ ඉතිහාසය පිළිබඳව ඇති ව්‍යාකූලත්වය හා රාවණ ඉතිහාසය නොතැකීමේ ආකල්පයයි.
ඉසුරුමුණි විහාරයද අතීතයේ යක්‌ෂ ජන සමාජයේ ප්‍රභාමත් ආගමික පූජා භූමියකි. ඉසුරුමුණි පෙම් යුවළ යනු මහා වෙසමුණි රජු හා කෛකාසි දේවියගේ රුව නෙළමින් ලොව ප්‍රථම මවුපිය දේවාලය ඉදි කළ මහා රාවණ අධිරාජ්‍යයාගේ නිර්මාණයක්‌ වේ. තවද පුරා විද්‍යාවෙන් නිසි අර්ථ නිරූපණයක්‌ කර නොමැති ඉසුරුමුණියේ මිනිසා හා අශ්ව හිස රූපය වෙසමුණි රජුගේ නිර්භය නිදහස් චින්තනය නිරූපණය කරයි. වෙස්‌සගිරි ප්‍රදේශයද එම ඉපැරැණි යුගයේම නශ්ඨාවශේෂයකි. පසුකාලීන රජවරු මෙම ඉදිකිරීම් මත යම් යම් ප්‍රතිසංස්‌කරණ හා අලුත් ගොඩනැඟිලි කර ඇතත් ස්‌වභාව ධර්මයට ගරු කළ යක්‌ෂ ජනතාව පරිසර හිතකාමී නගර නිර්මාණකරුවන්ගේ ආරම්භයන් බව එම ප්‍රදේශ සාක්‍ෂි දරයි.
වර්තමාන නාලන්දා ගෙඩිගෙය නොහොත් අතීතයේ ලෝකයේ මධ්‍ය රේඛාව පිහිටි තැන ලෙස සැලකෙන මාතලේ (මහාපොළොතලේ) සූර්ය දේවාලය ලංකාවේ යක්‌ෂ ජනතාව තුළ තිබූ පිටසක්‌වල ජීවය පිළිබඳ විශ්වාස ඉස්මතු කරන මිල කළ නොහැකි වටිනා වස්‌තුවකි. එයද කිසිවකුගේ අවධානයට ලක්‌ නොවී විනාශයට යමින් පවතී. එහි තිබෙන සමහර අංග කෞතුකාගාරය වෙත පවරා ගැනීම කාලීන අවශ්‍යතාවකි. මහා රාවණ අධිරාජ්‍යයාගේ පුත් ඉන්ද්‍රජිත් හෙවත් ඉරුගල් බණ්‌ඩාර පිටසක්‌වල ජීවීන් සමග සම්බන්ධතා ගොඩනගා ගන්නට උනන්දු වූ මහා පඬිවරයෙකි. එතුමාගේ ගුප්ත විද්‍යා පර්යේෂණ සඳහා ශබ්ද තරංග යොදාගත් අතර වරිග පූර්ණිකාවට අනුව මෙම ක්‍රමවේදය “සෙප්පඩමජ වි-ජා” ලෙස හඳුන්වයි. එහෙත් වර්තමාන ව්‍යාවහාරයේ එය ගර්හිත යෙදුමක්‌ ලෙස භාවිතයට පුරුදු කිරීමෙන් එහි වැදගත්කම යට ගසා ඇත.
ලෝකයට “මමී” හෙවත් නරක්‌ නොවන සේ සිරුරු පවත්වා ගැනීමේ විද්‍යාව දායාද කළේ රාවණ අධිරාජ්‍යයා විසින් ප්‍රගුණ කරනු ලැබූ ආයුවේදය හෙවත් ආයුෂ වර්ධන විද්‍යාවයි. රාවණ ඉතිහාසායේ ඉපැරැණි මූලාශ්‍ර ග්රන්ථයක් වන්නේ සිව රජුගේ අහස්‌තල බෙදීම හා හෝරාශාස්‌ත්‍රයයි. ඒ අනුව තාරකා විද්‍යාවේ ආරම්භයද ඉපැරැණි හෙළයන්ගේය. ඔවුහුද ශ්‍රී රාවණාට ප්‍රථම මෙරට සිටි මහා සිව රජුගේ පරපුරේ ආදිතමයෝය. එබැවින් මෙරට රාජවංශයේද නොයෙක්‌ රජුන් සිව යන්න පෙළපත් නමක් ලෙස භාවිත කළහ. (උදා:- මුටසිව, මහාසිව) සිව රජුද ආදි හෙළයෙකි. එබැවින් රාවණ රජු සිවස්‌තෝත්‍රය රචනා කළ අතර එය අද දක්වා හින්දූන් හා ඉන්දියානු දෙමළ ජනයා සිව දෙවි වන්දනාවට යොදාගනිති. එසේම පුරාණයේ ලක්‌ ජනතාව අතර ප්‍රචලිතව පැවැති රාවණ මන්ත්‍රයක්‌ මෙසේය.
“ඕම් රාවණ සිද්ධම් සිද්ධම් බල වරම්”
“ඕම් සරවණ භව සිද්ධම් සිද්ධි බල වරම්”
ශ්‍රී රාවණ අධිරාජ්‍යයාගේ බලය හා ශක්‌තියට ප්‍රතිවිරුද්ධ බලවේග අතීතයේ සිට මේ දක්‌වාම ක්‍රියාත්මක වී පවතී. අභිචාරවත් නිට්‌ටෑවන් නම් සත්ත්ව විශේෂය ප්‍රමුඛ කර වානරයන් වෙනුවෙන් යම් යම් ඉදිකිරීම් කරමින් මෙරට රාම වාදයක්‌ ව්‍යාප්ත කිරීමේ අදහසින් අතීතයේ සිට වර්තමානය දක්වා යක්‌ෂ සංහාරයට උත්සාහ දැරූ විදේශික බලවේග රැසකි. පණ්ඩුකාභය, ගාමිණි අභය, විජයබාහු, පරාක්‍රමබාහු, වලගම්බා වැනි ප්‍රබල මහාකාල යක්‌ පරපුරේ හෙළ නරදෙටුවන් හනුමා බලවේගය ඒ ඒ යුගවලදී ලක්‌ පොළොවෙන් තුරන් කළ අතර කිසි කලෙකත් වානර ගෝත්‍රයෙන් පැවත එන ආක්‍රමණිකයන්ට මෙරට විජයග්‍රහණයක්‌ අත් නොවීය. ඔවුන් සුළු කලකට පමණක්‌ මෙරට ආක්‍රමණය කළ ද රාමායනයේම සඳහන් ආකාරයට ඉරුගල් බණ්‌ඩාර හෙවත් රාවණ පුත් මේඝනාද පරපුර ඔවුන් සමූල ඝාතනය කළහ. ඉන්දියානු වීර කාව්‍යයක්‌ වූ වාල්මිකී නම් කතුවරයකු විසින් රචනා කරන ලද රාමායනය රාම ලක්‍ෂමණ හනුමාන් ප්‍රමුඛ වානර හමුදාව ලැබූ පරාජය වසාගැනීමට කළ වෑයමකි. එහි කර්තෘ විටෙක රාවන චරිතය ශ්‍රේෂ්ඨයකු කර විටෙක දුෂ්ටයකු බව ඇඟවීමට උත්සාහ කළ අන්දම රාමායනය තුළින්ම පැහැදිලියි. නමුත් රාමායනයට හා මහාවංශයට වඩා පැරැණි යක්‌ෂ ගෝත්‍රික මූලාශ්‍ර වන කාලම් අග්නිසන්දය, මූණමුරකෞරවය, වෙශමුණි දරණිවත, ගෝරාපාසලම, රක්‌ඛානි ගර්ජය, කුම්භණී මූලාශ්‍රථය, අසුර අත්විසය හා පංචරක්‌ඛාවලිය යන පුස්‌කොල පොත් ශ්‍රී රාවණ අධිරාජ්‍යයාගේ පුත්‍ර මේඝ නාද (ඉරුගල් බණ්‌ඩාර) සමස්‌ත ඉන්දියානු ආක්‍රමණිකයන් පරාජයට පත් කළ බව තහවුරු කරයි.
තම සොයුරු විභීෂණයන් හා ඇතිවූ අභ්‍යන්තරික යක්‌ෂ නාග යුද්ධය හා බිහිසුණු ස්‌වභාවික විපත් රාවණ යුගය මහා සාගරයට යටකර දැමීමට හේතු විය. මෙම දේශපාලන අර්බුදය ගෞතම බුදුරජාණන් වහන්සේගේ පහළවීම දක්වා ලංකාවේ පැවැති අතර බුදුන් වහන්සේගේ ලංකා ගමනයේදී මෙරට කඳුකර ප්‍රදේශ (ගිරිප) යක්‌ෂ ජනයාට පවරා සෙසු ප්‍රදේශ නාග ජනයාට පවරා දී ඇත. මේ නිසා ලංකාවේ සමස්‌ත ජනසමාජයම බුදුන් වහන්සේගේ නාමයට ලංකා රාජ්‍ය පූජා කර ඇත. ඒ බව “යකා බුදු වදනට පමණක්‌ අවනත” බව පැවසෙන ගැමි කියමනෙන් පිළිබිඹු වේ. බුදුන්ගේ ලංකාගමනය පවා සැකයට භාජන කිරීමට පුරාවිද්‍යාඥ බෙල් ප්‍රමුඛ ගෝල පිරිස බලවත් උත්සාහයක යෙදී ඇති බව මෙහිදී සිහිපත් කළ යුතුවේ.
වර්තමාන රාගල (රාවණගල) රාවණා යුගයත් අයත් පැරැණි නටබුන් පවතින තවත් ප්‍රදේශයකි. එහි ඇති රාවණ පබ්බත විහාරය හා එම ප්‍රදේශය වර්තමානයේ නිදන් සොරුන් අතින් සීග්‍රයෙන් විනාශ වෙමින් පවතී. රාවණගල ප්‍රදේශ සැලකිය යුතු වන්නේ හෙළයන්ගේ නිජභූමිය සේය. සිවුහෙළයන්ගේ රාජ්‍ය ලාංඡනය වූ සිංහයා සංකේතය මහා රාවණා අධිරාජ්‍යයාගේ රාජකීය සංකේතය විය. ඈත යුගයේ විසූ කේසර නම් සිංහ විශේෂය එයට පදනම් වී ඇත. කේසර යනු සූර්ය රශ්මිය හා ශක්තිය නිරුපණය කරන ප්‍රබල ගුප්ත විද්‍යාත්මක සංකේතයකි. සිංහ ලාංඡනයේ නිර්මාතෘද ශ්‍රී රාවණයෝය. රාවණා රජුගේ රුව ඇතුළත් ධජය රාවණ යුගයෙන් පසු ලංකා ධජය බවට පත්විය. එය ක්‍රමයෙන් ප්‍රාදේශීය කොඩියක්‌ බවට පත්වීම මෙරට රජ පරපුරේ ඇදවැටීමත් සමග සිදු වූවකි. දෙවැනි රාජසිංහ යුගයේ රන්දෙණිවලදී ලන්දේසින් ඓතිහාසික පරාජයකට ලක්‌ කළ කොස්‌මෝ විෙ-සේකර මුදලිතුමාගේ පරපුරේ ධජය එය විය. වර්තමානයේ ඛඔඔE සතුරන් පරාජය කිරීමේදී රාවණ පරපුර ඉදිකළ ශ්‍රී යගු කෞරාණ මන්ඨක දස ශීර්ෂපති ශ්‍රී රාවණ දේවාලයේ ගල් පුවරුවේ කොටා ඇති රාවණ ධජයේ අනුහසද බලපාන්නට ඇත. මෙය කුරුණෑගල රම්බඩගල්ල විද්‍යාසාගර පිරිවෙන් විහාරස්‌ථානයේ ආසියාවේ විශාලතම ශෛලමය බුදුපිළිමය පිහිටන ගල් තලාවේම ස්‌ථාපනය කර තිබේ. රාවණ ධජයට සූර්යාලෝකය වැටීමෙන් ලංකා ආක්‍රමණිකයන්ට ඉමහත් විනාශයක්‌ සිදුවන වෙසමුණි ධජය නම් (වෙසමුණි ධරණිවත) පුස්‌කොල පොතේ සඳහන්ය.
නොනැසී පවතින රාවණ ඉතිහාසය කිසි කලෙකත් විනාශ කළ නොහැක. රාවණ නාමය ලංකා ඉතිහාසයේ මැකිය නොහැකි ලෙස ලියෑවී පවතී. ඉදිරියේදී මායා, ඉංකා මොහෙන්ජොදාරෝ හරප්පා ශිෂ්ටාචාර ගැනත් වර්තමාන සෝවියට්‌ සමූහාණ්‌ඩුවට අයත් කල්මිකියාවේ පිහිටි රාබ්ක්‌නැ ජලාශය හා සුමේරියානු ඉතිහාසයත් පිළිබඳ සත්‍ය කරුණු මතුවීමත් සමග රාවණා නාමය තව දුරටත් සඟවා තබනු නොහැකි වේ.
(මෙම ලිපිය ලිවිමට එරන්ද සොයුරාගේ ලිපියක් මුලාශ්‍රකොට ගත්තකි)
දිගටම කියවන්න ->>
