කවුද කියන්නේ අන්තර්ජාලයෙන් මුදල් හොයන්න බැ කියලා...100% නිවරදිව, නිත්‍යානුකුලව අන්තර්ජාලයෙන් මුදල් සොයමු.

මතෘකාව දැක්කමනම් හිතෙනවා ඇති නේද.. ඔන්න තවත් ඇඩ් කිලික් කිරිමක් ගැන කියන්න යනවා කියලා. ඒවා නම් බොරු වැඩ. ඇඩ් ක්ලික් කිරිමෙන් අපි නිකන් අපේ කාලය කා ඩැමිමක් විතරයි සිදුවෙන්නේ. මම අද කියන්න යන්නේ මම කොහොමද අන්තර්ජාලයෙන් මුදල් ඉපයුවේ කියලා.

මේකත් ලෙසි වැඩක් නෙවෙයි. අපි කවුරුත් කුමන හෝ දේකට දක්ශ ඇති නේ . අන්න ඒ දක්ෂතාවය මත තමයි අපි කොපමන මුදලක් උපයනවාද කියලා තිරනය වෙන්නේ. මම මුලදි නම් odesk එකත් එක්ක ඔට්‍ටු උනා. ඒත් මට තවම odesk හරහා නම් එකම ප්‍රොජෙක්ට් එකක්වත් අරගන්න බැරි උනා. එත් මම fiverr වලින් නම් මේ සති දෙක ඇතුලත $ 86ක් හෙව්වා. මේ පිලිබදව මුලින්ම කියලා දිපු iplusblog එක ලියන සහෝදරයට මම මුලින්ම ස්තුතිවන්ත වෙන්න ඔන, කිසිම දෙයක් හන්ගන්නේ නැතිව fiverr ගැන කියලා දුන්නට. මෙන්න මේ ලින්ක් එකෙන් iplusblog එකේ fiverr ගැන ලියපු ලිපි පෙල බලාගන්න පුලුවන්.

ඉතින් මම කොහොමද මේ මුදල් සෙව්වේ කියලා කියන්නම්. මම auto CAD හා 3D Design වලට දක්ෂයි. ඉතින් මම ipusblog සහොදරයා කියලා දිපු විදියට මගේ දක්ෂතාවය කියලා gig දෙක තුනක් හදලා මගේ fiverr accountඑකට ඇඩ් කලා. එත් ශතියක් විතර යනකම් කිසිම ඔඩරයක් නැතුවයි හිටියේ.

ඔන්න එක දවසක් ඔඩර් එකක් ඇවිත් තිබුනා. ඒකෙදි මට කරන්න තිබුනේ සපත්තු අඩියක් Auto CAD වලින් ඩිසයින් කරලා දෙන එක. මේක මට සිම්පල් වැඩක. මම විනාඩි ගනනාවක් ඇතුලත අදාල buyer දිපු උපදෙස් අනුව ඒක හදලා දුන්නා. ඒකට මට හා හා පුරා කියලා $ 4ක් ලැබුනා. මොකද අපිට$5ක් ලැබුනත් fiverr අඩවියට $1ක් කපාගන්නවා.



කොහොමින් හරි මේ buyer වැඩේ ඉක්මනට කරලා දුන්නට සැටිස් වෙලා, මගෙන් ඇහුවා මේ සපත්තුවේ 3D එක කරලත් දෙන්න පුළුවන්ද කියලා. මම මොකටද බැහැයි කියන්නේ මම හා කියලා වැඩේ භාර ගත්තා. මට මේකට සති 02ක් දෙන්නම් කියලත් කිව්වා. ඒ වගේම මේ වැඩේට මට $50ක් ගෙවන්නම් කියලත් කිව්වා. ඒ කිව්ව විදියටම මම දෙසැම්බර් 23 වෙනිදා බැඩේ කරලා බාර දුන්නා. මගේ පලමු වැඩේ නිසා මම කිව්වා මට $40k දෙන්න කියලා. මිනිහා $40 මගේ paypal එකට දාලා ඉදිරියටත් මාත් එක්ක ගනුදෙනු කරන්න කැමතියි කියලා මැසේජ් එකකුත් එවලයි වැඩේ complete කරේ.

මම Design කරපු සපත්තුව මෙතනින් බලා ගන්න පුළුවන්.ඊට පස්සේ එක පිට එක වගේ වැඩ ගලාගෙන ආවා. තාමත් වැඩ එනවා. ඉතින් මම කියන්නේ අපිට දක්ෂතාවයක් තියෙනව නම් අපි මොකටද නිකන් ඇඩ් කිලික් කර කර කාලේ කා දමන්නේ. තමන්නේ දක්ෂතාවය අනුව කියක් හරි අමතරව හොයාගන්න බලන්න.

අවසාන වශයෙනුත් කියන්න තියෙන්නේ මේ පිලිබදව මුලසිට සරලව කියලා දිපු iplusblog සහෝඅදරයට ගොඩාක ස්තුතිවන්ත වෙනවා.

Share

දිගටම කියවන්න ->>

සිරි ලංකාවේ කාළගුණ විද්‍යා දෙපාර්තුමේන්තුව හා සුළිසුළග

පසුගිය 25 වනදා ලංකාවේ ප්‍රදේශ කිපයකට බලපැ සුළන් තත්වය නිසා දැනට වර්ථාවන අන්දමට මරණ 17 ක් සිදුවෙලා තියෙනවා කියලා නිවුස් වලින් අහන්න ලැබුනා. ඇත්තටම අපේ රටේ තියෙන කාළගුණ විද්‍ය දෙපාර්තුමේන්තුවට මේ වගේ තත්වයක් ඇතිවෙන බව කල් ඇතුව දැන ගන්න ක්‍රමවේදයක් නැද්ද? එහෙම නැත්නම් මේ දෙපාර්තුමේන්තුවත් තවත් එක රාජ්‍ය දෙපාර්තුමේන්තුවක් පමණක්ද?


මේ පිලිබදව මට මතක විදියට නාසා ආයතනයත් ප්‍රවෘතියක් පල කරලා තිබුනාලු ලංකාවේ බස්නාහිර වෙරල කලාපයේ කුණා‍ටු තත්වයක් ඇතිවෙන්න පුලුවන් බවට. මේ පිලිබදව අපේ ටෙක්කථා කරන කාලිංග අයියාත් ටිවිට් එකක් හැහුවලු මේ පිලිබදව අවදානයෙන් ඉන්න කියලා. ඇත්තටම අපේ කාළගුණ විද්‍යා දෙපාර්තුමේන්තුව මේ පිලිබද සැලකිල්ලක් නොදක්වන්න හේතුන් මොනවාද කියලා වග කිව යුතු බලධාරින් සොයා බැලිය යුතුයි. නැතිවු ජිවිත 17 හා අතුරුදහන් වු පුද්ගලයින් 30 ගනනට හා විනාශ වු දේපල වලට කාළගුණ විද්‍යා දෙපාර්තුමේන්තුව දැන් වග කියනවද?
මේ පිලිබදව අඩුම තරමින් ජනතාව දැනුවත් වෙලා හිටියනම් මේ ජිවිත හා දේපල හානිය ගොඩාක් දුරට අඩුකර ගන්න තිබුනා. අනේ ඉතින් මේ සිරි ලංකාවනේ කියලා අපිට හිත හදා ගන්න තමයි වෙන්නේ. කෝකටත් ඉතින් කාළගුණ විද්‍යා දෙපාර්තුමේන්තුව ඉන්නේ "හෙට අපරභාගයේ දි හෝ සන්ධ්‍ය කාලයේදි දිවයිනේ ප්‍රදේශ කිපයක වැසි හෝ ගිගුරුම් සහිත වැසි ඇතිවිය හැක" කියලා හැමදාම ගහන බයිලය ගහන්න විතරයිනේ. අනේ ඉතින් මේවගේ බයිලයක් ගහන්න කොයිතරම්නම් මහජන මුදලක් රජය මේ ආයතනය වෙනුවෙන් වැය කරනවාද? මේවයි ඉන්න නිලධාරිනුත්,බලධාරිනුත් මේවගේ දෙයක්වත් දැන ගන්න බැරුව ඉන්නේ ආයතන ඇතුලේ ඉදන් අල හාරනවද දන්නේ නැ.
ඔන්න මම එදා මගේ ෆොන් එකෙන් රෙකොඩ් කරපු විඩියෝවක් තියෙනවා.
මෙතනින් බලන්න

Share

දිගටම කියවන්න ->>

ZTE MF 100 ඩොන්ගලය unlock කරමු..

මුලින්ම කියන්න ඕන මගේ ගාවතිබුනු මේ MF 100 ඩොන්ගලයක්. මට මේ unlock ගන්න ඔන කම තිබුනත් අන්තර්ජාලයේ අපේ සිංහල බ්ලොග් ලියන කිප දෙනෙකුම මේක අන්ලොක් කරන හැටි ලියලා තිබුනත් මම ඒ හැම ක්‍රමයක්ම අත්හදා බැලුවත් මට බැරි උනා මගේ ඩොන්ගලය අන්ලොක් කර ගන්න. මොකද දිලා තිබුනු සමහර සොෆ්ට්වේයා නිසියාකාරව වැඩ කරේ නැ. codes දිලා තිබුනත් ඒත් හරියටම කරගන්න බැරි උනා. මම මේ ගැන හොයද්දි තමයි ඉන්දියන් බ්ලොග් එකක සොෆ්ට්වෙයා එකක් දිලා තිබුනේ මේ ඩොන්ගලය අන්ලොක් කරගන්නා ආකාරය. මමත් අත් හදා බැලුවා. එක පාරින්ම වැඩේ ගොඩ.
කරන්න තියෙන්නේ සරල ක්‍රම කිපයයි.
1. පලමුව මේ සොෆ්ට්වෙයා එක බාගන්න.
2.අන්තුරුව මෙහි ඇති dccrap file එක run කරන්න.
3. මේ dccrap file එක run කරන අතරවාරයේදි ඔබේ ඩොන්ගල් එකත් එක්ක ලැබෙන සොෆ්ට්වෙයා එක close කර තිබිය යුතුයි. (උදා: Dialog Manager)
4.අනතුරුව search බටන් එක ක්ලික් කරන්න. එවිට ඔබගේ මොඩමය auto detec කර ගනිවි.
5.ඉන්පසු unlocking ටැබය ක්ලික් කරන්න.
ඔන්න වැඩේ ගොඩ. දැන් ඔබේ pc එක රිස්ටාට් කර ඩොන්ගලයට වෙනත් සිම්පතක් දමා ගෙන කැමති නෙට්වර්ක් එකක් හරහා අන්තර්ජාලයට සම්බන්ද වන්න.

මෙමගින් 100% ක් සාර්ථකව ඔබගේ MF 100 ඩොන්ගලය unloack කරගත හැක.

Share

දිගටම කියවන්න ->>

වීරයන් මරා දමනු ලැබේ..

මුළු රටක්ම බලාපොරොත්තුවෙන් සිටි සුදු කොඩි නඩුවේ තින්දුව ඊයේ ප්‍රකාශයට පත් කෙරිණි. සුපුරුදු පරිදිම මෙවරත් නිතිය ගැන තිබු අන්තිම විශ්වාශයත් නැතිවි ගියේය. විත්තිකාර ජනරාල් සරත් ෆොන්සේකා මහතා වැරදිකරු කරමින් ඔහුට වසරතුනක සිර දඩුවම් නියම කර තිබේ. එක් අතකට මේ තින්දුව ගැන පුදුම වෙන්නට දෙයක් නැත. මේ බලාපොරොත්තු වු තින්දුවයි. ඒත් නිතිය ගැන අන්තිම වතාවටවත් බලාපොරොත්තුවෙන් සිටි ය මුත් නිතිය සැම විටම පාලකයින්ගේ අවියක් බව සපථ කරමින්ම නිතිය පිලිබදව තිබු අන්තිම බලාපොරොත්තුවද නැතිවි ගොස් හමාරය.


ජනරාල් සරත් ෆොන්සේකා පත්තරයකට කියුවා යැයි කියන දෙයක් නිසා එතුමාට වසර තුනක සිර දඩුවම් දුන්නත් ප්‍රසිද්ධියේ මිනි මරන,කෝටි ගනනින් මුදල් වංචාකරන්නන්ට,පාතාල කෙරුමන්ට මේ නිතිය තුල මෙවැනි දඩුවම් නොමැත. ත්‍රස්තවාදයට සෘජුවම උදව් කල කුමරන් පදමනාදන්ලා අද සුර සැප විදින කොට, එම ත්‍රස්තවාදය විනාශ කිරිමට ලේමස් පුජා කල විරුවකුට හා විරුවන්ට අත්වන් ඉරනම මෙය නම්...අප රටේ ප්‍රජාත්‍රන්ත්‍රවාදය ගැන කුමන කථාද?

අඩුම තරමින් යුද්ධයට සක්‍රියව දායකත්වය ලබා දුන් කෙනෙකු සේ සලකා හෝ මෙවැනි දෙයකට මෙවැනි බරපතල තින්දුවක් ලබා දිම කොතරම් සාධාරණද? මේවා දේශපාලන කුහකකම්,බියගුළුකම්. නිතිය අතට ගෙන කරන මෙවැනි දේවල ජනතාව තව කොයිතරම කාලයක් ඉවසාවිද?

මේ ප්‍රශ්නය දෙස පාට කණ්ණාදි දාගෙන බලන්න එපා. අවුරුදු තිහක් පැවති යුද්ධයෙන් බැටකාපු අපිව නිදහස් කරපු විරයකුට සලකන විදියක්ද මේ. අද කරුණාඅම්මාන්ලා.කේ.පිලා,පිල්ලෙයන්ලා රජ මැදුරේ ඉදගෙන සුර සැප විදින කොට, ජනරාල් සිරගෙයි ඉදගෙන දුක් විදිනවා. අපිට නිදහසේ හුස්ම ගන්න ඉඩ සලසපු මනුස්සයාව, ඒ මනුස්සයගේ දුර්වල පෙණහළු වලින්වත් නිදහස් හුස්මක් ගන්න බැරි වෙන විදියට හිරකරලා දාලා තියෙනවා. මේවා ස්වභාවධර්මයාවත් උහුලන්නේ නැති අපරාධ. නිතියෙන්වත් මේවාට පිලිසරනක් නොවැතිනම් අපි කා ගැන නම් විශ්වාස කරන්නද?

අධිකරණය මගින්ම මිනිමරුවන්,දුෂිතයින් වු පුද්ගලයින්ට එම සියළු වරදවල වලින් නිදෝස් කොට නිදහස් කර ජනපති සමාවක දෙන රටක හෙට දවස ගැන තිරණය ගැනිම ඔබ අප සතුය.. අපි තව දුරටත් කොදු බිදගත් නිවටයින් සේ ජිවත් වෙනවා ද?


(ප.ලි : හෙට අනිද්දම හයිවේ එක ඔපන් කරනවානේ. එතකොට මේ ඔක්කොම අමතක වෙලා යාවි. ඒක අපේ ජාතියේ හැටියක් නේ)

Share

දිගටම කියවන්න ->>

ලංකාව ඇත්තේ කොතනද?

දූෂනය හා වංචාව පිළිබදව ලෝක ශ්‍රේණිගත කිරීම් වලට අනුව ලංකාව සිටි‍නුයේ 91වන ස්ථානයේය. මහා බ්‍රිතාන්‍ය සිටිනුයේ 20වැනි ස්ථානයේය. [1] ලංකාවේ උසාවිය විසින් අල්ලස් හා දූෂණ සම්බන්ධයෙන් වරදකරුවෙකු කරවනු ලැබූ මහනුවර හිටපු නගරාධිපතිවරයා වන කේසර සේනානායක වෙත ජනාධිපති සමාව ප්‍රදානය කොට තිබේ. [2] උසාවිය තුළ විභාගවන නඩුවක නොව මාධ්‍ය විසින් උලුප්පා දක්වන ලැබූ සිය වරදක් හේතුවෙන් මහා බ්‍රිතාන්‍යයේ ආරක්ෂක ලේකම් ලියම් ෆොක්ස් ඉල්ලා අස්විය. ලංකාව ඇත්තේ කොතනද? තීරණය ඔබ අතේය.

පෙනෙන හැටියට ලංකාවේ ජනාධිපතිවරයාට රාජ්‍ය දේපොළ දූෂිත ලෙස පරිහරණය කිරීම එතරම් ගණනකට නොගත යුතු තත්ත්වයකි. කේසර සේනානායක උසාවියේ වරදකරු වුවත් සැබැවින්ම උසාවිය විසින් සාධාරණ නඩු විභාග පැවැත්වුවහොත් ලංකාවේ පාර්ලිමේන්තුව නියෝජනය කරන සියළුම මන්ත්‍රීවරුන් මෙන්ම අනෙකුත් පළාත් සභා සහ ප්‍රාදේශීය සභාවල නියෝජිත මන්ත්‍රීවරුද සිටිය යුත්තේ කේසරගෙ තැනය. ගැටළුවක් නැත, ජනාධිපති පොදු සමාව මේ සියළු අයටම ලැබීමේ ඉඩ ප්‍රස්ථාවක් ඇත. ලංකාවේ සම්ප්‍රදාය එයයි!

ලියම් ෆොක්ස් තම මිතුරාව සිය රාජ්‍ය ගමන් බිමන්වලට සහභාගී කරවා ගනිමින් බ්‍රිතාන්‍ය රජය විසින් ලියම් ‍‍ෆොක්ස්ට ලබාදී තිබු බලතල මිතුරාගේ ව්‍යාපාර කටයුතු සදහා යොදාගත්තේ එවා බ්‍රිතාන්‍ය නීතියට අනුව කෙසේ වෙතත් සම්ප්‍රදායට අනුකූල නොවන බව නොදැන නොවේ. එහෙත් තමාව රටේ මහජන නියෝජිතයෙකු ලෙස පත්කර ඇති බවත්, තමන් විසින් ඊට නොහොබිනා ආකාරයේ නිරතව ඇති බව ලොවට හෙළි වූ බවත් දැනගත් පසු මෙතෙක් තමන් විසින් දීප්තිමත්ව ඉදිරියට ඇදුනු දේශපාලන ජීවිතයට සමු දීමට ලියම් ‍ෆොක්ස් පසුබට වූයේ නැත‍. ඉල්ලා අස්වීමේ ලිපිය අගමැති ඩේවිඩ් කැමරන්ගේ අතට ලැබුණු පසු එය බාර නොගෙන සිටිමට ඔහු ක්‍රියාකළේ ද නැත. අල්ලසට හා දූෂණයට එරෙහි සම්ප්‍රදාය විය යුත්තේ එයයි. තමන් සිදුකළේ වරදක් බවවත් පිළිගැනීමට තමන් අවංක විය යුතුය.

ලංකාවේ තත්ත්වය අතිශයින්ම අවාසනාවන්තය. ජනාධිපතිවරයා විසින් වංචාව, දූෂණය, වරදක් ලෙස නොදකින බවට සංඥාවක් ලබාදී ඇත. එක අතකට එය පුදුමයට පත්වීමට කාරණයක් වන්නේද නැත. සුනාමි හොර වැඩ, ටකරන් හොරු, කෝප් වාර්තාවෙන් වරදකරුවන් වූ තක්කඩි, කුඩු ජාවාරම්කරුවන් ආදී සකලවිධ දුෂිතයින්, මංකොල්ලකරුවන් පාර්ලිමෙන්තුවේ රැස්වෙමින් ජනතාව වෙනුවෙන් තීන්දු තීරණ ගනිමින් හිඳිති. මිනී මැරීමට කොන්ත්‍රාත් ලබා දුන් බවට චෝදනා සහිත මහජන නියෝජිතයින් දුසිම් ගණනක් මේ පිරිස හොබවන්නෝය.

ලංකාවේ වැරදි පිළිගැනීමේ හෝ වැරදි පිළිබදව සදාචාරමය සීමාවක් ඇත්තේම නැත. සියල්ලට වඩා තීරණාත්මක බලය ය. බලය ඇති විට එළිපිට නීතිය හා සදාචාරමය වැරදි සියල්ල කරන අතරම බලය ඇති පාර්ශවය විසින් බලය නැති පාර්ශවයේ සිය‍ළු වැරදි නීතිය හමුවට ගෙන ඒමට පමණක් නොව වැරදිකරුවන් ලෙස දඬුවම් ලබාදීමට අවශ්‍ය කටයුතු සියල්ල සිදුකරයි. බලය ඇති විට රඟනු ලැබූ එක් අගවිනිසුරුවරයෙකුගේ ෆයිල් එළියට ඒමට නියමිත මේ නිසාය. ඊට හේතුව නීතිය කඩකිරීම නොව බලය ඇති පිරිසේ බලයට අභියෝග කිරීම නිසාය. නීතිය යනු ප්‍රජාතන්ත්‍රීය සමාජ සන්දර්භයක භාවිතා වන උපකරණයකි. ඊට නොගැලපෙන සමාජයකදී නීතිය යනු වඳුරාට දැලි පිහිය හසුවීමට වඩා බොහෝ භයානක තත්ත්වයකි.

නීතිය පිළිබදව මහජන විශ්වාසය බිඳීගිය පසු සිදුවන තත්ත්වය ඉතා බරපතලය. ඒ බව මැනවින් පෙන්වාදෙන සිදුවීම් ප්‍රමාණයේ සීග්‍ර ඉහළ යෑමක් පසුගිය කාලය පුරාවට දක්නට ලැබුණි.‍ කරන්දෙණියේදී හෝ දොම්පේ ප්‍රදේශයේදී සිදුවූ සිදුවීම් මෙම සිදුවීම් වල අවසාන ඒවා ද නොවේ. ඇමතිවරු රටේ ව්‍යවස්ථාපිත නිතිය කඩකරන ආකාරය පිළිබදව වීඩියෝ සහ ඡායාරූප සාක්ෂි තිබියදීත් ඒවා පිළිබඳව නීතිය ක්‍රියාත්මක නොකෙරෙයි. මුහුණට මුහුණ වෙඩි තබාගෙන කෙනෙක් මියගිය පසු අනෙකා වරදකරුවෙක් නොවන බව වගකිවයුතු රාජ්‍ය නිලධාරීන් ප්‍රකාශ කරන විට නීතිය පිළිබදව විශ්වාසය ඇත්තේ බලයේ ඉහළින් වැජඹෙන්නන්ට පමණි. ඔවුන්ට නීතිය තමන් සතු ආයුධයකි.

කිසියම් පුද්ගලයෙකුට තවත් අයෙකුගෙන් වරදක් සිදුවූ විට ඊට විරුද්ධව සාධාරණත්වය බලාපොරොත්තු වන්නේ පොලිසියෙන් හෝ අධිකරණ‍ය වෙතිනි. එකී ආයතන වල ස්වාධීනත්වය පිළිබඳව ප්‍රශ්ණාර්ථ මතුකරන සිද්ධි පසුගිය කාලය පුරාවටම බහුලව සිදුවිය. තමන්ට සාධාරණය ඉටු වේ යැයි මෙතෙක් පොලීසිය හෝ අධිකරණය කෙරෙහි පැවති විශ්වාසය බිඳ වැටුණු පසු තමන්‍ වෙනුවෙන් සාධාරණත්වය ඉටුකරගැනීමට තමන්ම ඉදිරිපත් වීම හැඟීම්බර මොහොතක දී වන අහුඹුවක් නොවේ. එහෙත් එතුලින් සිදුවන්නේ තවදුරටත් නීතිය කඩකිරීමම පමණි. එහෙත් නීතිය, සාධාරණත්වය තවදුරටත් වලංගු නොවන රටක තමන් වෙනුවෙන් තමන් පෙනී සිටීම හැර මිනිසුන් සතු විකල්පය කවරේ ද?

නීතිය හෝ සාධාරණත්වය පවත්වාගැනීම පිළිබඳ තව දුරටත් මිලිටරිමය උපක්‍රම දියත් කරමින් පවතින බවක් පෙනේ. ‍මහජනයා නීතිය අතට ගන්නා අවස්ථාවල දී පොලීසිය, එස්ටීඑෆ් සහ හමුදාව යෙදවීමත් තත්ත්වය සමනය වන තුරු පොලිස් ඇඳිරි නීතිය ක්‍රියාත්මක කිරීමත් දිගින් දිගටම සිදු වෙමින් පැවති අතර ඒ එකදු සිදුවීමක් සම්බන්ධයෙන්වත් පසු-විමසීමක් කොට ප්‍රශ්ණයේ මූලය සොයා ඊට පිළියම් කිරීමක් සිදු නොකෙරුණි; හුදෙක් බලය ම අභ්‍යාස කිරීමෙන් සකල දෝෂ නිවාරණය වේ යැයි සිතන්නාක් මෙනි.

භාරත ලක්ෂ්මන් ඝාතනය සම්බන්ධයෙන් අද වන තෙක් දුමින්ද සිල්වාට එරෙහිව නීතිය ක්‍රියාත්මක වී නැත.එක්තරා පුවත්පත් කතුවරයෙක් ඉතාම නිවැරදි ලෙස සටහන් කොට තිබූ අන්දමට ඔහු මේ රටේ නීතියට සිය ස්ථුල පශ්චාත් භාගය පෙන්වමින්, ඇතැම් විට එයින්ම සිනාසෙමින්, කටුනායකින් පුද්ගලික ජෙට් යානයක නැගී ඉගිලී ගියේය. ඒ සමග භාරත ඝාතනයෙන් අනතුරුව එළඹුනු කාලච්ඡේදය මුළුල්ලේ ම රට තුළ ඇති වූ සකල විධ චලනයන් නිශ්චල කරන ලද අතර ප්‍රශ්ණය තාවකාලිකව අපනයනය කෙරිණ!

මේ ආකාරයෙන් නීතිය හෝ සාධාරණත්වය පිළිබඳ පොදු සමාජ පිළිගැනීමක් ලබා ගැනීම උගහටය. ලංකාව වැටී ඇති ආගාධයෙන් ගොඩ ඒමේ මාර්ගයට වත් පැමිණෙන්නට නම් ලියම් ‍ෆොක්ස් ගේ කැපකිරීමට වඩා දැඩි කැපකිරීම් වලට ලාංකික සමාජය සුදානම් විය යුතුය. සම්ප්‍රදාය “සාධාරණත්වය” නම් ඒවා කිසිලෙසකින් වත් අපහසු දේවල් නොවේ. බලය ම: හුදු නග්න බලයම උපයෝගී කර ගනිමින් දුවන මේ දිවිල්ලේ කෙළවර කුමක් ද?

(බුන්ධියේ පලවු ලිපියකි. අයිතිය කතෘ සතුය.)

Share

දිගටම කියවන්න ->>

ආශ්චර්ය්‍යමත් සිරි ලංකාවේ අපි...

වර්ථමානයේ ලෝකයේ සතුටින්ම ජිවත් වන ජනතාව සිටින රට මේ සිරි ලංකාවයි. ඒ තරමටම ආශ්චර්ය්‍ය ඉතිරේ.. බැලුබැලු හැමතැනම කාපට් පාරවල් ය.
රටේ නිතියක් නැතිතරමටම අද රට පත්ව ඇත. ආණ්ඩුවට සහය පලකරන අයට එක නිතියකුත් ආණ්ඩුවට විපක්ෂව මත දරන අයට තවත් නිතියකුත් කියාතිමක වෙමින් පවති. අපි චිත්‍රපටිවල දකින ආකාරයට මුහුනට මුහුන වෙඩිතබාගන්නා තරමට සමාජය පිරිහි ඇත.
ජනතාවට සහන සලසනවාය කියු ආණ්ඩුව අන්තයටම ජනතාව තලා පලා දාන තත්වයකට පත් ව ඇත. විදුලිබිල,ගැස්මිළ,පෙට්‍රල් ඩිසල් මිළ,බස්ගාස්තු මෙකි නොකි හැම දෙයකින්ම පිඩාවට පත් වන්නේ අහිංසක ජනතාවයි. රටේ දුෂනය රජ කරන්නට පටන්ගෙන ඇත. කෝටි ගනන් මහජන මුදල් විනාශකල වංචාකරුවන් නිදැල්ලේය. ඔවුන්ට එරෙහිව කිසිම නිතියක් ක්‍රියාත්මක නොවේ. එහෙත් මෝර්ටර් රථයක ආසන පටි පැලදගෙන නොගියෝත් කෙලින්ම උසාවියේය.

මේ ලගදිම කරලියට ආපු මතෘකාවක් වන්නේ ලාබ නොලබන පෞද්ගලික ආයතන රජයට පවරා ගන්නා නිතියක් පැය 48 ක් ඇතුලත ක්‍රියාත්මක කිරිමට යැමයි. මේය තනිකරම විහිළුවකි. රජය පෞද්ගලික අංශයේ පාඩු ලබන ආයතන රජයට පවරා ගැනිමට ප්‍රථම රජයේ පාඩු ලබන ආයතන ගැන සොයා බැලිය යුතුය. දැනට රාජ්‍ය ආයතන දෙසිය ගනනක් පාඩු ලබන බව සදහන් වේ.

ක්‍රිඩාවෙද පවතින්නේ මෙවැනිම තත්වයකි. වෙනදා කෝටි ගනන් ලාබ ලැබු ක්‍රිකට් ආයතනය අදවන විට සේවකයින්ගේ පඩි ගෙවිම්ට පවා අපහසු තත්වයකට පත්ව ඇත. ක්‍රිඩාවද කෙමෙන් "කාල්ටන්කරණයට" ලක් වෙමින් පවති. වෙනදා මැච් එකක් රාජ්‍ය මාධ්‍යට අයත් චැනල් අයි වලින් බැලු අපිට දැන් එය බැලිමට සිදුවන්නේ හරියාකාරව නොපෙනෙන "කාල්ටන් ස්පෝට්ස්" නාලිකාව හරහාය.

හැමදෙයක්ම පසුගිය අවුරුදු හය ඇතුලත උඩු යටිකුරු වි ඇත. රාජ්‍ය ආයතනයකට ගෝස් සුළු වැඩක්වත් පැයදෙක තුනක්වත් රස්තියාදු නොවි කරගන්නට බැරිය. රාජ්‍ය අංශය ඒ තරමටම පිරිහිලාය. මහා පරිමාණ සංවර්ධන වියාපෘති යැයි කියා කොටි ගනන් මුදල් වියදම් කර කරනා වියපෘතින් අවසානයේ අසාර්ථකය. සැම අතින්ම බලන විට පෙනෙන්නට ඇත්තේ දුර්වල හා ආකාර්ය්‍යක්ෂම පරිපාලනයකි..

සිද්ද උනත් නොසිතු ලෙස විනාශය
සද්ද නොකර ඉදිමුද කන් වසාගෙන
සුදු රෙද්දට මුවාවි කරනා මේ විනය.
කොන්දක් නැති නිසා ඉදිමුද නියෝගෙන

Share

දිගටම කියවන්න ->>

I want to believe ලොව නොවිසදුනු අභිරහස්....

සුප්‍රසිද්ධ X-Files

කථා මාලාවේ ෆොක්ස් මොල්ඩර්ගේ ඔපිස් කාමරයේ තියෙන පියාබන පිරිසියක් ඇති ජායාරුපයේ මෙවැනි වදනක් තිබෙනවා x-files බලපු හැමෝම දැකලා ඇති (පහල රුපයේ). එත් ලොකේ සමහර දේවල් තිබෙනවා තවමත් විශ්වාස කිරිමට හෝ නොවිසදුනු අභිරහස් විදියට තිබෙන. මමත් ආසයි මෙවා ගැන පොඩ්ඩක් විපරම් කරලා බලන්න.ඔය පියාබන පිරිසි ගැන උනත් උනන්දුවක් ඇති උනේ x files කථාමාලාව නිසානේ. එහෙනම් මෙන්න මගේ ලිස්ට් එකේ තියෙන නොවිසුදුන අභිරහස් ටික.මටත් ඕනි මේවා විශ්වාස කරන්න..එත්

බර්මියුඩා ත්‍රිකෝණය
මිසරයේ පිරමිඩ
යෙටි නොහොත් හිමාලයේ හිම මිනිසා
දියකිදුරියෝ (Mermaid)
තරු දොර‍ටු (Star Gate)



බර්මියුඩා ත්‍රිකෝණය

අදටත් මුළු ලොකයටම අගිරහසක් වෙලා තිබෙන මේ බර්මියුඩා ත්‍රිකෝනය ඇමරිකා එක්සත් ජනපදයේ මියාමි,බර්මියුඩා හා කැරිබියන් මුහුදේ පිහිටි පෝර්ටෝ දූපත් ප්‍රදේශ යාකරමින් පිහිටි ත්‍රිකෝණාකාර ප්‍රදේශය වේ. මෙයට යක්ෂයාගේ ත්‍රිකෝනය ලෙසද හදුන්වනු ලැබේ. මෙහි ඇති සුවිශේසත්වය වන්නේ මේ හරහා ගමන් කරපු නැව්,ගුවන් යානා , බෝට්‍ටු ආදිය කිසිම හොඩුවාවක් හෝ නොමැතිව අතුරුදහන් විමයි. පසුගිය සියවස ඇතුලත නැව් 50ක් ගුවන් යානා 20ක් පමණ අතුරු දහන්වි ඇති බව නිල තොරතුරු අනුව සදහන් වේ. මේ ප්‍රදේශයේ පවතින චුම්බක විචලනයද සුවිශේෂිතාවයක් ගනි. විද්වතුන් පවස‍න්නේ මෙම කලාපය තුළ අධික චුම්භක බලයක් ක්‍රියාත්මක වන බවය. මාලිමා යන්ත්‍ර වැරදි දිශාවන් පෙන්වන්නේ එම නිසා බවත්, අධික චුම්භක බලය හේතුවෙන් මුහුදු පතුලට ඇද ගන්නා යාත්‍රා කෑලි කෑලි වලට කැඩී විසිර යන නිසා කිසි හෝඩුවාවක් වත් ඉතිරි නොවන බවය. මේ පිලිබද අදහස් දක්වන පුදගලයින් නම් කියන්නේ මෙම ප්‍රදේශයේ පිටසක්වල ජිවින්ගේ ක්‍රියාකාරකම් නිසා මෙලෙස සිදුවන බවයි. තවත් අය පවසන්නේ මෙම ප්‍රදෙශයේ ඇති මේ ත්‍රිකෝණාකාර හැඩය නිසා මෙය අපගේ ලොකයට සමාන්තර තවත් ලොවකට හෝ කාල තලයකට ගමන් කිරිමට ඇති දොර‍ටුවක් ලෙසයි. නමුත් තවම කිසිවකුතත් මෙය ඔප්පු කිරිමට හැකියාවක් ලැබි නොමැත.

මිසරයේ පිරමිඩ

මෙතෙක් ලෝකයේ බිහිවි ඇති අරුම පුදුම ගොඩනැගිලි අතරින් සුවිශේසි ස්ථානයක් හිමිකර ගන්නේ මේ මිසරයේ පිරමිඩයි. අද පවතින තාක්ෂනයෙන් පවා මෙවැනි නිර්මාණයක් කිරිමට දශක ගනනාවක් ගතවන බවයි විද්වතුන්ගේ මතය. එසේ නම් මිට වසර දහස් ගනනකට පෙර මෙවැනි නිර්මාන කිරිමට තරම් තාක්ෂනයක් ඊජිත්තු පාරවාන්ට ලැබුනේ කෙසෙද යන්නයි.විශෙෂයෙන්ම මෙම පිරමිඩ ජ්‍යමිතික හැඩයද ශක්තින් එක්තැනකට එක්කර තබනා හැඩයක් ලෙසද හදුනාගෙන තිබේ. තවද සුප්‍රසිද්ධ මහා පිරමිඩ 03නේ මුදුන් ඔරායන්ගේ බද පටියේ ඇති තරු 03ට එක එල්ලේ පිහිටා ඇති පරිදිම නිර්මානය කර තිබිම අදහගත නොහැකි තරම්ය.

යෙටි නොහොත් හිමාලයේ හිම මිනිසා


යෙටි ලෙස හදුන්වන මෙම හිම මිනිසා හිමාල කදු හා ටිබෙට් ප්‍රදේශ ආස්‍රිතව ජිවත් වන මිනිස් වානර වෙස් ගත් අපුරු ජිවියෙකි. තවමත් ලොවෙන් සැගවි සිටින මෙම සත්වයා පිලිබදව පැහැදිලි සාක්ෂියක් මෙ වන තෙක්ම සොයාගැනිමට නොහැක. යෙටි යන වචනයද සැදි ඇත්තේ ටිබෙට් වචන දෙකක් එකතුවිමෙනි. මෙහි තේරුම ගිරිකදුවාසි වළස් රූපියා යන්නයි. යෙටි ගැන මුලින්ම වර්ථාවන්නේ 1920 ගනන් වලදිය. ඒ 1925 දී ඡායාරූප ශිල්පියකු වූ එන්. ඒ. ටොච්බාජි, ෂේමු ග්ලැසියරය අසලදී දිගු රෝමයන් හෝ මුළු ඇඟම වැසී ගිය මිනිස් රූපි යෝධයකු දුටු බව වාර්තා කෙළේය.
1953 දී එවරස්ට් තරණය කළ සර් එඩ්මන්ඩ් හිලරි හා ටෙන්සින් නෝර්ගේ තමන් මේ සුවිශාල පා සටහන් දුටු බව වාර්තා කළහ.
2008 ඔක්තෝබරයේදී ජපාන ජාතික යොෂිමෙරු තකහෂි තමන් යෝධ පා සටහන් දුටු බවත් දැන් මේ සත්ත්වයා රූගත කිරීමට උත්සාහ දරන බවත් ප්‍රකාශ කර තිබිණි. ඉන්පසු ආසන්නතම වාර්තාව පළවූයේ 2010 දීය. චීන ජාතික විද්වතුන් පිරිසක් ෂෙනොන්ජියා ප්‍රදේශයේ පරීක්ෂණයක යෙදීමට කටයුතු කළ ද ඔවුනගේ නිරීක්ෂණයට යෙටී හසුවී තිබුණේ නැත

දිය කිදුරියෝ

අඩක් මිනිස් ශරිරයකින්ද,අඩක් මත්ස්‍ය ශරිරයකින්ද යුක්ත මේ ජිවින් අදටත් අභිරහසක්ව පවති. සුරංගනා කථාවල පමණක් අප අසා දැක තිබුණාට පියවි ඇසින් දු‍ටු බවට කිසිදු පිලිගත් සාක්ෂියක් ලැබි නොමැත. නමුත් මේම සත්වයිගේ යැයි පැවසෙන ඇටක‍ටු හා සිරුරු විටින් විට අන්තර්ජාලයෙන් දැක තිබුනත් මෙවා 100%ක්ම නිවරදිදයි යන්න සැක සහිතය.වරක් ආතර් සි ක්ලාක් මහතාද මේ පිලිබදව අදහස් දක්වා ඇතත් එතුමා ප්‍රකාශ කර සිටියේ මේ පිළිබදව කාලායාට බාරදි අපි බලාසිටිමු යනුවෙනි.

තරු දොර‍ටු

මේ ගැනනම් ඉතින් කියන්න තියෙන්නේ Star Gate ‍ෆිල්ම් එක බලලා තමයි මේ පිළිබදව කුතුහලයක් ඇති උනේ. මේ පිලිබදව තියෙන සාක්ෂිනම් ඉතා අල්පයි. ඔය අපේ අනුරාධපුරයේ කුට්ටම් පොකුන ආස්‍රිතව තියෙන ගලක නෙලා තියෙනවයි කියලා කියන අමුතු අක්ෂරත්, ඊජිත්තුවේ පිරමිඩයක ඇති ඊට සමාන අක්ෂරත් ඔය තරු දොර‍ටුවක අක්ෂර කියලයි කියන්නේ. සම්හරු නම් කියන්නේ මෙතන සැබැවටම තරු දොර‍ටුවක් හෝ ඊට සමාන කුමක් හෝ දෙයක් තිබෙන්න ඇති කියලයි. එත් ඉතින් මේ පිළිබදව පරික්ෂන කරන අයගේ තියෙන්නේ අඩු උනන්දුවක් බවයි මගේ හැගිම.(අපේ රටේ විතරයි)

ඉතින් මෙ පිළිබදව ඔබලා දන්න දෙවල් තිබෙනම් අපත් එක්ක බෙදාහදාගන්නවනම් කාටත් එය ප්‍රයෝජන වේවි.
.

Share

දිගටම කියවන්න ->>

ගඩා‍ෆි නැති ලිබියාව...

ගඩා‍ෆි...දැන් අතිතයට එක් වි ඇති නමක් වි හාමාරය. වසර 42ක් පුරාවට ලිබියාව පාලනය කල මේ මිනිසාගේ ඉරණම දැන් විසදි ඉවරය. මොහු අල්ලාගත් අවස්ථාව හා මරාදමා ඇති අවස්ථාවේ විඩියෝ දකින විට සිතට ඇතිවු හැගිමත් සමගම මොහුගැන පෝස්‍ටුවක් ලියන්නට ඕනැකමක් තිබුනත් පමා වි හෝ ලිවිමට හැකිවිම ගැන සතු‍ටුවෙමි. මම උග්‍ර ගඩා‍ෆි වාදියෙක් නොවෙමි. නමුත් ගඩා‍ෆි කල කි යම් යම් දේ පිලිබදව මා සතු‍ටු වෙමි.විශේසයෙන්ම එක්සත් ජාතින්ගේ ‍රැස්විමකදි 2009දිද කොහෙද මට මතක විදියට මොහු කල කථාව.

1942 ජුනි 7 දා ලිබියාවේ සර්ටේ නම් වෙරළබඩ ගම්මානයක ගෝත්‍රික පවුලක උපන් මුවම්මර් ගඩාෆි යුද හමුදාවට බැඳුණේ විශ්ව විද්‍යාල අධ්‍යාපනය ද අතරමඟ නවතා දමමිනි. ලේ නොසෙල්වු විප්ලවයක් කල ගඩා‍ෆි රටේ පාලන බලය අල්ලා ගන්නේ 1969 සැප්තැම්බර් මස 1 වන දාය. ඉන් පසු වසර 42ක් පුරාවට ලිබියාව පාලනය කරන මොහු පසුගිය 20 වනදා මරාදමන තෙක්ම ලිබියාවේ නොසැලුනු පාලකයා බවට පත්විය.
1958 දි ලිබියාවෙන් ඛනිජතෙල් සොයාගැනිමට පෙර අන්ත දිලිදු රටක් බවට ලිබියාව පත්ව තිබුණි. නමුත් ලිබියානු ජනතාවට කොන්ද කෙලින් තියාගෙන "මම ලිබියානුවෙක්" කියා කියන්න පුළුවන් තත්වයකට ලිබියාව පත්කලේ මොහුය. ලිබියාව ප්‍රධාන ලෙස තෙල් සම්පතෙන් පොහොසත් උනත් ජල සම්පතෙන් පොහොසත් නොවිය. නමුත් ගඩා‍ෆි රජය විසින් ඉදිකරන ලද "මහා මිනිසා ඉදිකල ගංගාව"(Great Man -Made river) මගින් ලිබියන් ජනතාව ජලයෙන්ද පොහොසත් කලේය. රටේ ප්‍රධාන සම්පත වන තෙල් සම්පත මනා ලෙස පාලනය කරමින් ජනතාවට ඒ හරහා සුඛිතමුදිත තත්වයට පත් කිරිමට ගඩා‍ෆිට හැකිවිය. අප්‍රිකාවේ "ස්විස්ටර්ලන්තය" යන විරුදාවලිය ලිබියාවට ලැබෙන්නේද මේ නිසාමය


ගඩා‍ෆි මරාදමන විට ද ලිබියාව ලෝකයේ ඉහලම මානව සංවර්ධන දර්ශකයක් පෙන්නුම් කල රටකි. පසුගිය වසරේ පමනක් ලිබියාවේ දළ ජාතික නිෂ්පාදනයේ වර්ධනය 10.5% කි. මෙවැනි ආර්ථික සංවර්ධනයක් තිබියදි පවා ගඩා‍ෆිට එරෙහිව මහජනතා නැගිටිමක් ආරම්බ වන්නේ දේශපාලන හා ප්‍රජාතන්ත්‍රවාදි නිදහසක් ඉල්ලාගෙනය.
තෙල් සම්පත හරහා උපයාගත් අතිවිශාල දනස්කන්දය නිසාද, බටහිරට හා ඇමරිකාවට ගැති නොවුනු පාලකයෙක් නිසාද ගඩා‍ෆිට බටහිර සතුරන් වැඩිවිය.

ලිබියාව නම් ගඩා‍ෆිය... ගඩා‍ෆි නම් ලිබියාවය. මේ නම් දෙක හරියට ගසයි පොත්තයි වගේ බද්ද වි පවති. ලිබියානු නායකයා කියු පරිදිම මොහු ලිබියාව අතහැර නොගොස් ලිබියාවේම තමන්ගේ ජනතාව අතින්ම මිය ගියේය. එත් මොහු මියගිය ආකාරය ගැන නම් මා තුල ඇත්ති පිලිකුලකි. ලිබියාවට මෙතරම් දෙයක් කල මේ මිනිසා මරා දෑමුවේ හරියට තිරිසන් සතෙකු ගානටය. ලක්ෂ ගණන් ජනතාව මරා දමමින් යුද නීති උල්ලංඝනය කරමින් ජනතාවට බර අවි ප්‍රහාර එල්ල කරමින් ගම්බිම් විනාශ කරමින් කැරලි කරුවන් හා නේටොව කල යුද්ධය දැන් නිමාවි ඇත. මෙහි සිඩුවු මානව හිමිකම් කඩකිරිම් ගැන කථා කිරිමටවත් කිසිම රටක් ඉදිරිපත් නොවනු ඇත.
එහෙත් ලිබියානු ජනතාව ඉල්ලා සිටි දේශපාලන හා ප්‍රජාතන්ත්‍රවාදි නිදහසක් ලැබේ විද? නොමැතිනම් ලිබියාවත් තවත් ඇෆ්ගනිස්ථනයක් නැතිනම් ඉරාකයක් බවට පත්වේවිද? තිරණය වැඩි ඇතක නොවේ.

.........පූජාසනයේ වැඩ හිඳුවා
ඔබට පුදන මේ ලෝකයමයි හෙට
ඔබට එරෙහි වී නැගිටින්නේ.........???

Share

දිගටම කියවන්න ->>

Excel සිංහලෙන් ඉගන ගන්න පට්ට e book එකක්..

කට්ටිය කැමති ඇති නේද Excel සිංහලෙන් ඉගන ගන්න. මේන්න එහෙනම් ඒ සදහා නියම e book එකක්. මේක මට මේ ලගදි මගේ මැසිමේ තිබිලා හමු උනේ. මේක ලියලා තියෙන්නේ නම් ඉෂාර් ජයසුන්දර... මට මතක විදියට 2009 දි නත්තල් තැග්ගක් විදියට තමයි මේ සහෝ මේක අපිට ලබා දුන්නේ.
බොරු කියන්න වැඩක් නැ.. මම නම් Excel ඉගන ගත්තේ මේ පොතට පිංසිද්ද වෙන්න . ඒකට ඉෂාර් සහෝදරයට සිතුතිවන්ත වෙන්න ඔනි. මේක බාගත්තු නැති අයටත් මේක ප්‍රයෝජනවත් වෙයි කියලා හිතෙන නිසයි දැම්මේ..
මෙන්න එහෙනම් ලින්ක් එක බාගන්න.
66MB විතර විශාලයි

Share

දිගටම කියවන්න ->>

යෞවනයේ සදාකාලික සංකේතය චේ...

චේ ගුවේරා යන නම ඇසු පමනින් මොහු ගැන නොදන්නා තරුණයෙක් අද කාලයේ නොමැති තරම්. එහෙත් නමින් පමනක් හදුනන කොහේ සිටියේද? මොනවා කලේද යන්න ගැනවත් නොදැන චේ ගේ ටි ෂර්ට්, ස්ටිකර් , පච්චා භාවිතා කරන තරුන පරපුරක්ද නැතුවාම නොවේ. මම මිට පෙරද චේ ගැන ලිපියක පල කලද අද මෙම ලිපිය පල කිරිමට සිතුනේ අද වැනි දිනක තමයි මේ අසහාය පරාර්ථකාමියාව ඇමරිකානු හමුදාව විසින් ලොවෙන් උදුරා ගත්තේ. (1967 ඔක්තෝබර් 09,බොලිවියාවේදි)
නමුත් අද වනවිට චේ යනු මාකට් කල හැකි හොද වෙළද නාමයක් බවට පත්වෙලා ඉවරයි.
සදාතනිකවම තරුන හදවත් තුල චේ නාමය ලැගුම් ගැනිමට ප්‍රධාන හේතුවක් ලෙස මා නම් දකින්නේ මොහු තුල පවතින පරාර්ථකාමිත්වය හා අධිස්ඨාන ශක්තියයි. කුඩා කල සිටම ඇදුම රෝගයෙන් පිඩා වින්දත් රග්බි,පිහිනිම, ගොල්ෆ් වනි ක්‍රිඩා වන්ට දක්සතා දැක්විම මගින් පිලිබිබු වන්නේ මොහු තුල ඇති ඒ ශක්තියයි. කියුබාවට නිදහස ලබා දිමෙන් නොනැවතිනු මොහු බොලිවියාවටද නිදහස ලබා දිමට යන්නේ මොහු තුල ඇති ඒ අව්‍යජ පරාර්ථකාමිත්වය නිසයි. මේ පරමාදර්ශි පුද්ගලයින් හට ලෝකය වෙනස් මාවතකට ගෙනයාමට හැකිවන්නේද මෙම මිනිසුන් තුල ඇති මේ ශක්තිය නිසයි.මා සිතනා විදියට මෙවැනි මිනිසු ලෝකයට පහල වන්නේ සියවස් ගනනාවකට එකකු වශයෙනි...
මෙම ලිපිය අවසන් කිරිමට පෙර මාගේ පලමු ලිපියේද සටහන් කල දෙයක් මෙහි සටහන් කිරිමට කැමතියි. මෙය චේ ගේම වචන වලින් සදහන්ව ඇත්තේ මෙසෙය.

"ජයග්‍රහණය දුෂිත කල නොහැකියයි මගේ පරාජයෙන් අදහස් නොකරෙනු ඇත. එවරට්ස් කදු සිඛරයට ලගාවිමට උත්සාහකොට පැරදුන බොහෝ දෙනේකු ඇතත් එහි අවසාන ප්‍රතිඵලය නම් එවරට්ස් කන්ද තරනය කර ඇති බවය..."
සත්‍යයි... ඔබ ජයග්‍රහනය කල හමාරය.... එහෙත් ඔබ නැවතු තැනින් පටන් ගැනිමට අදවනතුරු කිසිවකුත් ඉදිරිපත් වි නොමැති එකනම් කණගා‍ටුවට කරුණකි.

Share

දිගටම කියවන්න ->>

ESet Nod32 Username & Password ටිකක්

අද මට නිකමට වගේ හිතුණා හොද වයිරස් ගාඩ් එකක් ආපහු දාගන්න. මොකද මගේ ගාව තිබුනේ Kesparsky එත් ඒක ගිය මාසේන් එක්ස්පයර් උණා. crack file හොයලා දාගන්න හිතුනත් වැඩි විශ්වාසයක් ඒ ගැන තිබුනේ නැ. ඔය අතරේ තමයි Eset Nod32 දාගන්න හිතුනේ. මුලින්ම trail verson එකක් දාගත්තා. දවස් 31ක් trail periad එකක් දෙනවා. එත් මේක update කරන්න ගියාම තමයි username එකයි password එකකුයි ඉල්ලනවා. ඔය අතරේ පොඩි සර්ච් පාරක් දාලා බැලුවා. මෙන්න බොලේ පාස්වඩ් ටිකකුයි username ටිකකුයි බ්ලොග් එකක් තිබුනා. සැකේටත් එක්ක දාලා බැලුවා. බඩු වැඩ. මෙන්න screen shot එක.

මේක 2011 /11/04 වෙනකම් වැඩ. මෙතන තියෙනවා දෙසැම්බර් වෙනකම් වැඩ කරන පස්වඩ් හිටන්. crack කිරිලි නැ.. බඩු වැඩ.
ඔයාලටත් ප්‍රයෝජනවත් වේවි කියලා හෙතන නිසා ඔන්න මම UN ටිකයි password ටිකයි දානවා.
Username: EAV-39568370
Password: 7ukh6t2pcj

Username: EAV-49738264
Password: 7cs8443rxk

Username: EAV-49738357
Password: m63esbv3fc

Username: EAV-50635959
Password: 55sxr5e6mc

Username: EAV-50896574
Password: mkpnkfsmx3

Username: EAV-50935761
Password: satvj2nrpe

Username: EAV-50935817
Password: tvb7k3hb2t



Username: EAV-50935098
Password: rr76k83sm4
Expiration: 14/12/2011

Username: EAV-50935099
Password: ka2ufacbxf
Expiration: 14/12/2011

Username: TRIAL-51261470
Password: 5usb2hnve2
Expiration: 07/10/2011

Username: TRIAL-51261506
Password: x4v4hfbd78
Expiration: 07/10/2011

Username: TRIAL-51261512
Password: e2jd5hvde8
Expiration: 07/10/2011

Username: TRIAL-51261520
Password: rc2dkktu2k
Expiration: 07/10/2011

Username: TRIAL-51261527
Password: nj884vs6sj
Expiration: 07/10/2011

Username: TRIAL-51261536
Password: c5udhrpu4c
Expiration: 07/10/2011

මෙතනින් Eset Nod32 virus gard බා ගන්න.

Share

දිගටම කියවන්න ->>

ලංකාවේ රජයේ රෝහල්..

මේ දිනවල වැඩිදෙනෙක් කථාකරන මාතෘකාවක් වෙලා තියෙන්නේ පෞද්ගලික වෙද්‍ය විද්‍යාල ලංකාව තුල පිහි‍ටුවා ලිම පිලිබදවයි. සමහර අය මෙය හොදයි කියති... තවත් සමහරු මෙය නරකයි කියති. මගේ පෞද්ගලික මතය නම් නිසි ප්‍රමිතියක් ඇතුලත්ව සුදුසුකම් සපුරාලන සිසුන් සදහා මේවැනි විශ්වවිද්‍යාල ආරම්බ කිරිම වරදක් නොවන බවයි. නමුත් අපේ රටේ වැඩේ තියෙන්නේ හැම දෙයක්ම කරන්න ඉස්සේල්ලා නා ගැනිම හා අනාගැනිම දැන් පුරුද්දකට ගිහිල්ලා. දෙන්නම් වාලේ හැම උපාධිකඩයකටම මේවා කරන්න ඉඩ දුන්නොත් ප්‍රමිතියක් නැතිවෙන එක අහන්නත් දෙයක්ද?....

දැන් මම කථාකරන්න බලාපොරොත්තුවෙන මතෘකාවට යමු. ඇත්තටම ලංකාවේ රෝහල් වලින් සිදුවන සේවය ගැන මහජනතාව වන අපට තෘප්තිමත් විමට පුළුවන්ද? නිදහස් අධ්‍යාපනය වාගේම නිදහස් සෞඛ්‍ය සේවාවක් භුක්ති විදින අපිට මේ සේවාවන් වල තිබේන ගුණාත්මක බාවය ගැන ප්‍රශ්න නැතුවාම නොවේ.
අපි රජයේ රෝහලකට යන්නේ ලෙඩකට දුකකට බෙහෙතක් හේතක් ලබාගන්නට. නමුත් අද මෙම ආයතන තුල පවතින අඩුපාඩුකම් නිසා කොතරම්නම් අසරණ ජනතාවක් පිඩා විදිනවද? පාලකයන්ගේ පවතින පරිපාලනමය දුර්වලතා හා කාර්ය මණ්ඩලවල හා සේවකයන්ගේ පවතින දුර්වලතා හා ආකල්පමය හේතුන් නිසා අදවනවිට සෞඛ්‍ය සේවාව අඩපන වෙලා ගිහින්. හොද ගුනාත්මක තත්වයේ බෙහෙත් වෙනුවට කොමිස් මුදල් වලට යටවෙලා බාලබෙහෙත් වර්ග ගෙන්වලා රෝගින්ගේ ජිවිතත් එක්ක සෙල්ලම් කිරිමට පුරුදුවෙලා.

නිදහස් අධ්‍යාපනයෙන් ඉගෙනගෙන දෝස්තරලා වෙලා රටට සේවයක් කිරිම වෙනුවට තමන් ගැනම පමණක් හිතන වෙද්‍යවරුන් කොටසක් බිහිවෙලා( හැමෝම නෙවි) මොවුන්ට රෝහල් වල රෝගින් බලනවට වඩා, ප්‍රයිවට් හොස්පිටල් වල හා චැනල් සෙන්ටර්වලට සේවය කිරිමට යොමු වෙලා. මොවුන්ට අසරණ රෝගියෙක් එක "සබ්ජෙක්ට්" එකක් විතරක් ගනනට පත්වෙලා. කිසිම වගකිමක් නැතුව අත වෙනුවට කකුල, බඩ වෙනුවට පිට,කණ වෙනුවට ඇහැ. ඔපරේෂන් කරන මට්ටමකට පත්වෙලා.
මිට අන්තයි හේදියන්ගේ තත්වය. මොවුන් හරියට කථාකරන්නවත් දන්නැති සේවක කොටසක් බවට පත්වෙලා. ගේදර මහත්තයත් එක්ක රන්ඩුකරලා ඇවිත් ඒ තරහා රෝගින්ගෙන් පිටකරන තත්වයක් තමයි අද නර්ස්ලා ලග තියෙන්නේ. පොඩ්ඩ් බෑරිවෙන්න බැ අසරණ රෝගින්ගේ ඇගට කඩා පනිනවා. එහෙත් හෙදියක් කියන්නේ කරුණාව උතුරායන කාන්තාවක් වියයුතුයි කියා අපිනම් අහලා තියෙන්නේ.

දෝස්තරලාත්,හේදියන්ටත් වඩා හපන් දැන් ඉන්න රෝහල් වල සුළු සේවක මහතුන්... හප්පේ බලන්න එපැය ගෙම්බර් එක...මැම්බර් මහත්තයකුට වඩා අන්තයි. හැම වෙලාවෙම කටේ තියෙන්න්නේ " නැ.. බැ..බැ.. බැ..එපා..එපා .. යනව ඔයි යන්න.." වගේ වචන සෙට් එකක්.ලෙඩේකුට කරුණාවක් දයාවක් දක්වන්නේ බොහෝම සුළු පිරිසක් පමනයි.
ඔය ගොල්ලොන්ට මම කියන්නේ බොරුද කියලා බලාගන්න පුළුවන්,වැස්සකට හරි රජයේ රෝහලකට ගොඩ උනොත්.
මේහිදි තවත් විෂේශ දෙයක් සදහන් කරන්න ඔනි. රජයේ රෝහලකට බෙහෙත් ටිකක් ගන්න යන්නේ මධ්‍යම පන්තිකයන් හා බොහෝම අසරණ දුප්පත් ජනතාව විතරයි. ඔය ඉහල සමජපන්තියේ අයට ඉතින් කොයිතරම් නම් සුපිරි රෝහල් දැන් තියෙනවද. අසරනවෙලා බෙහෙතක් ගන්න ගියාම කියන්නේ "අපි ගාව මේ බෙහෙත නැ.. පුළුවන්නම් මේක පිටින් අරන් එන්න කියලා" අනේ ඉතින් පිටින් බෙහෙත් ගන්න වත්කමක් තියෙනව නම් මොන එකාද රජයේ රෝහලකට යන්නේ... අනේ ඇත්තට මම නම් හිතන්නේ රජයේ රෝහල් වල තියෙන්නේ පැනඩෝල් පෙති ටිකකුයි..සේලයින් බොතල් ටිකකුයි විතරමද කොහේද...වෙන හැම බෙහෙතක්ම අපි පිටින් ගිහින් දෙන්න ඔනි... අසරණ රෝගින්ට ඉතින් දෙයියන්ගෙම පිහිට තමයි.

නිදහස් සෞඛ්‍ය සේවාවක් අපේ රටේ තිබුනත් එය විදිමත් විදියට ජනතාවට සේවයක් වන විදියට පවත්වාගෙන යන්න බැරි නම් ඒ සේවාවෙන් කිසිවකුටත් සෙතක් නොවෙයි.. ගොඩාක් දුර්වලතා මෙම කේෂ්ත්‍රයේ තිබුනත් ඒවා නිරාකරනය කරගෙන ජනතාවට සේවාවක් සැපයිම පවතින රජයේ හා සෞඛ්‍ය අමාත්‍යංශයේ වගකිමක්.. මම නම් මුලින්ම කියන්නේ මේ කේෂිත්‍රයේ සිටින අයගේ ආකල්පමය වෙනසක් මුලින්ම සිදු කිරිම අනිවාර්යයි.(මෙය නම් සැම රජයේ ආයතනයකටම සිදුවිය යුතු දෙයක් හැටියටයි මා නම් දකින්නේ.) අර කථාවක් තියෙනවානේ "සැම සිරකරුවෙක්ම මනුෂ්‍යයෙක්ය" කියලා. ඒ වගේම තමයි රජයේ රෝහල් වල සේවය කරන හැමටම කියාදියයුතුයි "සැම රෝගියෙක්ම මනුෂ්‍යයෙක්ය" කියලා.....

Share

දිගටම කියවන්න ->>

ශ්‍රි ලංකාව සේවක අයිතිවාසිකම් සුරකින රටක්ද?

සේවක අයිතිවාසිකම් ගැන කථා කිරිමේදි ශ්‍රි ලංකාවේ තත්වය නම් බොහෝම පහල මට්ටමක පවතින බවයි මාගේ හැගිම.විශේෂයෙන්ම පෞද්ගලික අංශයේ සේවකයන්ගේ සේවක අයිතින් ආරක්ෂා නොවෙන තරම්. රාජ්‍ය අංශය ගැනනම් කථා දෙකක් නැ.. ඕනවටත් වඩා ඔවුන් නම් සේවක අයිතින් හා වරප්‍රසාද බුක්ති විදිනවා. නමුත් මෙම රාජ්‍ය අංශයේ සේවකයන් ලබන වැ‍ටුපටවත් සේවයක් කරනවාද කියන එක ප්‍රශ්නයක්.. මේ ගැන කථා නොකර අපි බලමු පෞද්ගලික අංශයේ සේවකයින් ගැන...

කම්කරු නිතිරිති රටකට අවශ්‍ය වන්නේ කුමක් නිසාද යන්න පලමුවෙන්ම සොයා බලමු. විකිපිඩියා සිංහල අඩවියේ සදහන් වන ආකාරයට කම්කරු නීති ක්‍රියාවට නැංවීම හරහා ඉටු කර ගැනිමට බලාපොරොත්තු වන අරමුණු කිහිපයක් පවතී,
I) සමාජ සාධාරණත්වය තහවුරු කිරීම
II) විධිමත් සේව්‍ය-සේවක සම්බන්ධතාවයක් ගොඩ නැඟීම හරහා කාර්මික සාමය ඇති කිරීම
III) සේවකයින්ගේ අවම සේවා කොන්දේසි පිළිබඳ සම්මුතින් පැනවීම
IV) කාර්මික ආරවුල් වැළැක්වීම සහ අවම කිරීම
V) කම්කරුවන්ගේ අයිතිවාසිකම් හා වගකීම් ආරක්ෂා කිරීම සහ තහවුරු කිරීම
VI) ශ්‍රමිකයින්ගේ ජීවන තත්ත්වය උසස් කිරීම
VII) අසාධාරණ සේවා සමාප්තීන් පිළිබඳ කටයුතු කිරීම හා රැකියාව සුරක්ෂිත කිරීම
VIII) සේවකයින් පිළිබඳ තොරතුරු හෙළිදරව් කර ගැනීම හා ඒවා රැස් කිරිම යන ප්‍රධාන අරමුණු ඉ‍ටුකර ගැනිම සදහායි.

කම්කරු සබඳතා විධිමත් කිරීම සම්බන්ධයෙන් ක්‍රියාත්මක වන ප්‍රධාන කම්කරු නීති

එක් එක් ක්ෂේත්‍රය සම්බන්ධයෙන් විවිධාකාර වූ කම්කරු අණපනත් ක්‍රියාත්මක වේ.

* සේවා කොන්දේසි සහ නියමයන්
1) 1954 අංක 19 දරණ සාප්පු හා කාර්යාල සේවක පනත
2) 1947 අංක 47 දරණ පඩි පාලක සභා ආඥා පනත

* කාර්මික සම්බන්ධතා

1) 1950 අංක 43 දරණ කාර්මික ආරවුල් පනත
2) 1935 අංක 14 දරණ වෘත්තීය සමිති ආඥා පනත
3) 1971 අංක 45 දරණ කම්කරුවන්ගේ සේවය අවසන් කිරීමේ (විශේෂ විධිවිධාන) පනත

* ස්ත්‍රීන්, ළමුන් සහ තරුණයින් සේවයේ යෙදවීමේදී අදාළ වන විශේෂ කොන්දේසි
1) 1956 අංක 47 දරණ ස්ත්‍රීන් ළමුන් සහ තරුණයින් සේවයේ යෙදවීමේ පනත
2) 1934 අංක 39 දරණ මාතෘ ප්‍රතිලාභ ආඥා පනත
3) 1939 අංක 32 දරණ ප්‍රසූතිකාධාර ආඥා පනත

* සේවක විශ්‍රාම ප්‍රතිලාභ 1) 1958 අංක 15 දරණ සේවක අර්ථ සාධක අරමුදල් පනත
2) 1980 අංක 46 දරණ සේවක භාර අරමුදල් පනත
3) 1983 අංක 12 දරණ පාරිතෝෂික දීමනා පනත

* සේවක සුරක්ෂිතතාවය හා සෞඛ්‍යය ආරක්ෂා කිරීම
1) 1942 අංක 45 දරණ කර්මාන්තශාලා ආඥා පනත
2) 1934 අංක 19 දරණ කම්කරු වන්දි ආඥා පනත

* ශ්‍රමිකයින් පුහුණු කිරීම
1) 1971 අංක 49 දරණ ජාතික ආධුනිකත්ව මණ්ඩල පනත
2) 1978 අංක 08 දරණ පෞද්ගලික අංශයේ පුහුණු වන්නන් සේවයේ යෙදවීමේ පනත

ඉහත දක්වන්නට යෙදුණු කම්කරු අණපනත් වල ඇතුළත් ප්‍රතිපාදන සේවායෝජකයින් විසින් නියමාකාරයෙන් ක්‍රියාත්මක කරයිද යන්න සොයා බැලීමේ කාර්යය පැවරී ඇත්තේ කම්කරු දෙපාර්තමේන්තුවටය. එම කොන්දේසි හා නියමයන් උල්ලංගනය කරන්නන්ට විරුද්ධව නීති මඟින් කටයුතු කිරීම කම්කරු කොමසාරිස්වරයාගේ වගකීමකි. එම කොන්දේසි හා නියමයන් කැඩීම දඩ මුදලකට හා/හෝ සිරදඬුවමකට යටත් කළ හැකි වරදවල් ලෙස සැළකේ.
නමුත් ලංකාව තුල මෙම නිතින් කොයිතරම් දුරට ඉ‍ටුවෙනවාද යන්න සැක සහිතය.

අපි පෞද්ගලික අංශයේ සේවකයකු උදාහරන විදියට ගමු.
පෞද්ගලික අංශයේ සේවකයකුගේ සේවා වැඩ මුරය සාමාන්‍යයෙන් පැය 09 කට හෝ උපරිම පැය 10කට සිමාවේ. නමුත් අද අපේ රටේ සැම පෞද්ගලික ආයතනයකටම මෙය නීතියක් හැටියට වලංගු වනවාද? සමහර ආයතන සොච්ච්ම් පඩිවලට කොයිතරම් නම් තරුණ ජවය සුරා කනවද? පැය 10ක් නොව පැය 24කටත් වඩා එක දිගට වැඩ ගන්න ආයතන ලංකාව තුල තිබෙන බව ඔබ නොදන්නවා විය හැකියි. ඇගළුම් කේෂ්ත්‍රය තුල මෙම තත්වය වඩාත් බරපතල ලෙස සිදුවනවා.

නමුත් මෙම සේවකයින් ගැන කථා කිරිමටවත් පවා කිසිවෙකු නොමැති තත්වයක් වර්ථමානය වන විට උදා වි ඇත.
රජය පසුගිය කාලය තුල මෙම පෞද්ගලික අංශයේ සේවකයන් සදහා විශ්‍රාම වැ‍ටුපක් හදුන්වා දිමට උත්සාහගත්තත් එය කොතාරම් දුරට සේවකයාගේ පැත්තෙන් ඔවුන්ට ප්‍රතිලාභයක් ලැබේද යන්න පිලිබදව ප්‍රශ්නයක් තිබිණි.
නමුත් අද වනවිට මෙම පෞද්ගලික අංශයේ සේවකයන් විදින දුක් ගැහැට ගැන සොයා බැලිමටවත් ඉදිරිපත් නොවිම පුදුමයට කරුනකි.
අද කොයිතරම් නම් කාන්තාවන් පිරිසක් මැදපෙරදිග ගොස් දුක් විදිනවාද? රජයක් විදියට මොවුන්ගේ ප්‍රශ්න සොයා ඒවාට විසදිම් දිම පවතින රජයක වගකිමකි. සමහර විට අපරටේ තානාපති අංශ පවා මැදපෙරදිග කලාපය තුල ක්‍රියා කරන ආකාරය විලිලැජ්ජා සහගතය.

විශේශයෙන්ම ලංකාව තුල සුපිරි වෙළද සැල් තුල වැඩකරන සේවකයන් ගැනද මෙහිදි සදහනක් කල යුතුය. මොවුන්ගේද ශ්‍රමය අසිමිත ලෙස මෙම ආයතන සුරාකති. මෙම වෙළද සැල්තුල සේවය කරන පුද්ගලයින් සමහර දින වල පැය 17ටත් වඩා වැඩියෙන් වැඩකරන අවස්ථාද මා දැක ඇත. නමුත් අතිකාල දිමනා කියා මොවුන්ට ගෙවනුයේ සොච්ච්ම් වැ‍ටුපකි.

රටක් වශයෙන් සංවර්ධනය කරා ගමන් ගන්නා මේ කාලය තුල මිනිසුන්ගේද මුලික අයිතින් සංවර්ධනය විමද ඒ හා සමගාමිව සිදුවිය යුතුය. රාජ්‍ය අංශයේ මෙන්ම පෞද්ගලික ආශයේ සේවකයන්ගේද අයිතින් ආරක්ෂා කර දිම රජයක් සතු යුතුකමකි. පෞද්ගලික අංශයේ සේවක අයිතින් ගැන් මිට වඩා රජයේ අවධානය යොමුවිය යුතු කාලයකි මේ...

Share

දිගටම කියවන්න ->>

ශ්‍රි ලංකාවේ ආශ්චාර්ය්‍ය

දැන් දැන් ලංකාවේ සිද්ධවෙන දේවල් දිහා බැලුවම සිතෙනවා අපි ජිවත්වෙන්නේ සිහිනපුරයකද කියලා. මොකද කියනවානම් ජනතාව හරියට නිදි වගේ.... ඔහේ ඕන දෙයක් වෙන්න කියලා වෙන්නම් වාලේ ඉන්නවා කියලයි මටනම් හැගෙන්නේ...
පාලකයෝ දිගින් දිගටම වැරදි කරද්දිත්, ඊට නිසි දඩුවමක් දිමට පාලන තන්ත්‍රයේ ඉහලම පුද්ගලයොත් නිහඩව සිටිම කණගා‍ටුවට කරුනක්...
මැත කාලිනව උන සිද්ධි කිපයක් අරන් බලමු...
මිට මාස කිපයකට කලින් පොල් හා කුකුළු මස් හිගයක් ආවා.. ඊට පිලියමක් ලෙස මේ ද්‍රව්‍යන් පිට රටින් ආනයනය කලා.. එත් අන්තිමේදි මොකද්ද උනේ.
පොල් ගෙඩි ලක්ෂයක් විතර විනාශ කරා කියලා පාරිබෝගික ඇමති මහා උජාරුවෙන් කිවා..

ඊට පස්සේ බාල වර්ගයේ පෙට්‍රල් වගයක් ගෙනාවා. ඇමතිවරයා මොකක්ද කිව්වේ. පොසොන් එකට ඉන්දන ඉවරවෙච්ච් නිසා පිරවුම් හල්වල තිබිච්ච ටැංකිවලට වතුර ගිහින් කියලා. පස්සේ ආයේ කථාව වෙනස් උනා. බාල තෙල් ගෙනාපු අය කවුරුත් නැ, ඊට අනුමැතිය දුන් කවුරුත් නැ...අන්තිමට බාල පෙට්‍රල් ගහලා ජනතාවගේ වාහන විතරයි විනාශ උනේ..

ඔන්න මේ ලගදි සිමෙන්ති හිගයක් ආවා කිව්වා. පිටරටින් ගෙන්වන්න කියලා පාරිබෝගික ඇමති කියලා දැන් ගෙනල්ලත් ඉවරයි. ඒත් ගෙනල්ලා තියෙන්නේ බාල වර්ගයේ සිමෙන්ති වගයක්..

මිට අමතරව හෙජින් ගණුදෙනුව,ආසනික් ප්‍රශ්න,ක්‍රිකට් ආයතනයේ දුෂණ,වැට් බදු වංචා...

අනේ ඉතිං මේවාගේ පාලකයන් ඉන්නකම් අපි වගේ ජනතාවට දෙයියන්ගෙම පිහිටයි....

Share

දිගටම කියවන්න ->>

Channel 4 ට එරෙහිව ශ්‍රි ලාංකිය හඩ

Channel 4 ආයතනය විසින් දිගින් දිගටම ලංකාවට එරෙහිව විඩියෝපට නිකුත් කිරිමට පටන් ගෙන ඇත. මේයට විරුද්ධව කොතෙක් අපි කථාකලත් කිසිදු පියවරක් අරගැනිමට සමත් නොවිය....
ලගදි නිකුත් කරපු Channel4 විඩියෝවට එරෙහිව අපි යුද්දයේදි විදි ඇත්ත තත්වය ලෝකයට කියා පැමට සකස් කල මෙම විඩියෝව Channel 4 එකට කණේපහරක්ම වනු ඇත....

පලමු විඩියෝව
දෙවන විඩියෝව

(මෙම විඩියෝව ඔබට ඇකි පමනින් ප්‍රසිද්ධ කරන්න)

HUMANITARIAN OPERATION FACTUAL ANALYSIS
JULY 2006 – MAY 2009

Share

දිගටම කියවන්න ->>

අනේ අපි මේවා කාට කියන්නද...

මේ දිනවල අපේ රටේ ප්‍රධාන මාතෘකාව බවට පත් වෙලා තියෙන්නේ බාලවර්ගයේ පෙට්‍රල් වගයක් වෙළදපොලට නිකුත්විමත් සමගම මහජනතාව මුහුණදි ඇති ප්‍රශ්නයක් සම්බන්ධවයි. ඇත්තටම මෙහෙම දේවල් සිදුවන්නේ කාගේ වැරදි නිසාද? ඇමතිතුමානම් කියන්නේ වැස්ස නිසා වතුර එකතුවෙලා කියලා. මේක ඇත්තක්ද? මේ පිළිබදව අනුර කුමාර දිසානායක මන්ත්‍රිවරයා අද මෙන්න මේ වගේ කථාවක් කියලා තියෙනවා.....

අනුර කුමාර දිසානායක මන්ත්‍රිවරයාගේ ප්‍රකාශය

අනුර කුමාර දිසානායක මන්ත්‍රිවරයා මෙ කියන කථාව ඇත්තනම් අපි මේ ජිවත් වෙන්නේ බොහෝම භයානක කාලසිමාවක. අසරන මහජනතාවගේ ගැන අංශු මාත්‍රයක්වත් හිතන්නේ නැතුව මේ වගේ වැඩ කරන රාජ්‍ය නිලධරයන් සිටින මේ වගේ රටක ජනතාවට ඉතිං දෙයියන්ගෙම සරණයි...
මෙවැනි දේවල් මේ රටේ තවත් සිදුවිය යුතුද? මේ ආකාරයේ වැරදි කරන අයට දඩුවම් දෙන දවසක් කවදා උදාවේවිද?
වැටත් නියරත් ගොයම් කානම් කාට කියන්නද ඒ අවනඩුව?

Share

දිගටම කියවන්න ->>

ඩෙංගු සුවකිරිමට ගස්ලබු කොල යුෂ .....

මම මේ පොස්ට් එක දැක්කේ පරන Sunday Observer ලිපියක තිබිලා. මෙහි සදහන් වන ආකාරයට ඩෙංගු රෝගින් හට ගස්ලබු කොළ යුෂ පානය කිරිමට දිමෙන් මෙම ඩෙංගු රෝගය නිවාරනය කරගැනිමට පුල්ළුවන් බව පැවසෙනවා.
මෙම යුෂ සදා ගැනිමට හොද නිරෝගි ඵල දරන ගස්ලබු ගසකින් කොළ අරගෙන හොදින් සෝදා වියලා , කොළේ නාරටි අයින් කර කොළටික විතරක් වංගෙඩියක දමා කොටා(ලි වංගෙඩියක් නම් වඩා හොදයි) යුෂ ටික අරගන්න.
මෙය ලබාදිය යුතු මාත්‍රාව වන්නේ..
වැඩිහිටියකුට 10ml බැගින් දවසට දෙපාරක්
ළමයකුට (වයස5ත් 12ත් අතර) 5ml බැගින් දවසට දෙපාරක්

මේ ලිපිය පරන උනත් දැම්මේ යලිත් ඩෙංගු මාරයා හිස ඔසවා ඇති බැවිනි..
සන්ඩේ ඔබ්සර්වර් ලිපිය මෙතැනින්

Share

දිගටම කියවන්න ->>

චේ නම් සොදුරු විප්ලවවාදියා.....

චේ ගුවේරා... නම ඇසු පමණින් මුළු ලෝකයක්ම හදුනන මේ සොදුරු මිනිසා 1928 ජුනි 14 වනදා, එනම් අදවගේ දිනක අර්නස්ටෝ ගුවේරා ලින්ච් සහ සිලියා දි ලා සෙර්නාට දාව අර්ජන්ටිනාවේ රෝසයිරෝ නගරයේදි මේ ලෝකයේ එලිය දු‍ටුවේය. අද ඔහුගේ 83 වන ජන්මදිනයයි.
ඔහුව මේ ලෝකයෙන් උදුරාගෙන වසර හතලිස් තුනකට ආසන්න කාලයක් ගෙවි ඇතත් මේ සොදුරු මිනිසා අපගේ මතකයෙන් නම් තවම ඇත් වි නොමැත. එසේ විමටද හේතුවක් ඇත. බෙදුනු දකුණු ඇමරිකානු මහද්විපයේ අවාසනාවන්ත ඉරනම වෙනස් කිරිමට තමාගේ ජිවන බාවිතයෙන් පමනක් නොව මරනයෙන්ද තම කැපකිරිම සිදු කලේය.. චේ අපුරු සොදුරු විප්ලවවාදියකු වන්නේ ඒ නිසාම පමණක් නොවේ.. චේ යනු අපුර්වතම සංකලනයන් කැටිවු සොදුරු මිනිසෙකි.. විටෙක සංචාරකයෙකු තවත් විටක වෙද්‍යවරයකු , රාජ්‍ය තාන්ත්‍රිකයකු ලෙස, තානාපතිවරයෙකු ලෙස, උපාය සැලසුම්කරුවෙකු ලෙස, ලේඛකයෙකු ලෙස සහ අප හොදින්ම දන්නා පරිදි සටන් කරුවෙකු ලෙස ලෙස ඇදහිය නොහැකි තරමටම පරිපුර්ණ විය.
ඔහු නියළුනු සැම වැඩකදිම අවසානය දැකිමේ හා ලගාකර ගැනිමේ නොනිමි පිපාසයෙන් පෙලෙන්නෙකු විය.තමා විශ්වාසකල සත්‍ය වෙනුවෙන් ඔහුම පෙනි සිටියා පමනක් නොව එම සත්‍ය වෙනුවෙන් තම ජිවිතයද පුජා කලේය..
මේවැනි සොදුරු මිනිසුන් ලොවට පහල වන්නේ ඉතාමත් කලාතුරකිනි..එහෙත් එවැනි මිනිසුන්ට ජිවිතයෙන් හරි අඩක්වත් ජිවත් විමට නොලැබියාම සමස්ථ ලෝකවාසින්ගේම අවාසනාවකි.

"ජයග්‍රහණය දුෂිත කල නොහැකියයි මගේ පරාජයෙන් අදහස් නොකරෙනු ඇත. එවරට්ස් කදු සිඛරයට ලගාවිමට උත්සාහකොට පැරදුන බොහෝ දෙනේකු ඇතත් එහි අවසාන ප්‍රතිඵලය නම් එවරට්ස් කන්ද තරනය කර ඇති බවය..."

"අප තබන සෑම පියවරක්ම අධිරාජ්‍යවාදයට එරෙහිව නැගෙන අරගලයේ ඉදිරියෙන් වැයෙන රණ බෙර හඩයි.මනුෂ්‍ය වර්ගයාගේ ලොකුම සතුරාට විරුද්ධව ඒකමතිකව ගොඩනැගෙන එකගතාවට ගෞරව කිරිම සදහා ගැයෙන යුධ බිමේ ගීතයයි.මරණයෙන් අප පරාජය කරනු ලැබුවහොත් එයින් ගිලිහි යන අපගේ රණ අවි මහත් සෙනෙහසින් බාර ගැනිමට තවත් අත් ඉහලට එසවෙනු ඇත..."

"ලොවපුරා කොතැනක හෝ සිදුවෙමින් පවතින්නාවු දේ පිළිබදව අප උදාසීන නොවිය යුතුය මන්ද මරණය තෙක් සිදුකරන මෙම සටනට සිමාමායිම් නොතිබෙන බැවිනි "
– අර්නස්ටෝ චේ ගුවේරා

Share

දිගටම කියවන්න ->>

ෆෙංෂුයි ලාෆින් බුද්ධ සිනාසෙන්නේ ඔබටමය

මේ දවස්වල් ගොඩාක් දෙනෙක් ෆෙන්ෂුයි ගෑන උනන්දුවක් දක්වන බවක් පෙන්න තියෙනවා. ඔනෑම කඩයකට ගියොත් හිනාවේගෙන ඉන්න බඩ ලොකු පිලිමයක් කාසි ගොඩක් උඩ තියෙනවා දෑක ගන්න ලෑබිම සුලබ දෙයක් බවට පත්වෙලා.. මේ පිලිබදව ලියපු අපුරු ලිපියක් රාවය පුවත් පතේ පල වෙලා තියෙනවා.. මේ ලිපිය කියවලාම බලන්න..

සෑම කෙනෙක්ම ජීවිතයක් ගතකරමින් සිටී. ඒ එක දෙයක් සොයමිනි. කොහොමද දුක් පීඩාව අහක් කරන්නෙ. කොහොමද සංතෝෂය, පී්‍රතිය ඇතිව උපරිම සැප සම්පතින් යුත් දිවියක් ගෙවන්නෙ. මේ සඳහා මිනිසුන් කරන නොකරන දෙයක් නැත. කෙනෙක් දාබිඳු හෙළමින් අනන්ත කැපකිරීම් කොට ලබා ගන්නට වෙහෙසෙන දේ තවකෙක් වැඩිපුර නොවෙහෙසි ලබයි. කෙනෙක් මොන දේ කළ ද ප්‍රගතියක් නැත්තේය. එසේ නම් වැරදුණේ කොතැනද? මුදුනට ළඟා වීම පිනෙහිම ආදීනව නම් වැරදුණේ පව නිසාම ද? මේ පව්කාරකම්වලට කෙළවරක් නැද්ද?
නිකවැරටිය -
කාලයක් නිකවැරටියට මිනිස්සු සුනාමියක් මෙන් ගහගෙන ගියෝය. බෝ ගසක උපන් රූප තමන්ගේ ඉහත බලාපොරොත්තු සියල්ල සඵල කරාවියැයි පව උරුම වූ සැම සිතූහ. එතෙක් පැවති දුක් ගොඩට සරලව බෝ ගහක් පිහිට වන්නේ නම් සරල නැඟීසිටීම යෙහෙකැයි සිතු සැම නිකවැරටි ගිය අතර ඉන්පසු ලද සුළු අස්වැසිල්ල හෝ එකී පිහිටෙන් ලැබුවායැයි අදහන්නටද සැදී පැහැදි සිිටියෝ ය. ඔවුහු අදටත් එහි අපුලක් නොදකිනවා විය හැකි ය.
කාලයත් සමග නිකවැරටි ගමන අබල දුබල විය. එහි තිබුණායැයි කී බලය අතුරුදන් විය. බලය වුව හැමදා නොරැඳෙන එකක් බව බෝ ගස වුව පසක් කළේ ය. එදා පොරකමින් බැලූ බෝගස අද කාක් බෝ ගසක් තරම් නොවටී. නිකවැරටිය මතකයක්ව ඉතිරිවද්දී එහි ගිය බහුතරයක් වූ ජනයාගේ ගැටලු ද නොවිසඳුම් ව බෝ ගස මෙන්ම අටුවම් බැස තිබුණි.
දොළුකන්ද
අහවර නොවන බලාපොරොත්තු ඇතුලේ තමා එල්ලී සිටින අත්තක් ගිලිහුණද එයින් එතරම් කම්පා නොවන මිනිසුන් ඒ ක්ෂණිකයෙන් තවත් අත්තක් අල්ලා ගන්නේ නිමේෂයෙනි. එවන් අල්ල පනල්ලක දොළුකන්දේ ආශ්චර්යමත් භික්ෂුවක් පහළ වූහ.
බලාපොරොත්තුවලින්ම දිවි ගෙවන මිනිසුන්ට තවත් බලාපොරොත්තුවක් දැල්වුණි. ජීවම් කළ පිරිත් නූලට මෙවර තම පැතුම් ඉටු කළ හැකි යැයි සිතූ මිනිසුන් වැල නොකැඩී දොළුකන්ද තරණය කළෝ ය. කාලයත් සමග දොළුකන්දේ ගුප්ත කමද පහව ගියේ දොළුකන්ද ප්‍රදේශයේද අලුත් ප්‍රශ්න නිර්මාණය කරමිනි.
එකල දොළුකන්දෙන් අනන්ත ජීවයක් ලද්දායැයි විශ්වාස කළ වුන් එමට සිටියෝය. ඉහත ස්ථාන දෙකට නොගිය පිරිස් අතළොස්සක් සිටිය හැකි ය. නමුත් මේ තැන් දෙකටම ගිය එකම පිරිස නම් ඉහළ බව සහතිකය. එකල මේවාට විරුද්ධව කතා කිරීම පවා දෙවියන් නොව ඊට ඇලී ගැලී සිටිවුන්ගේ දෝෂයට ලක්විය හැකි සාපයකි. සාපයකි.
ඔබ කතරගම විශ්වාස කරන අයෙක් විය හැකි ය. එහෙත් ඔබ නිකවැරටියටත් දොළුකන්දටත් ගොස් ඇත. පන්සලටත්, පල්ලියටත්, කෝවිලටත් යන මිනිසුන්ට අවැසි කොතැනින් හෝ ගැලවිල්ලය. ඒ ආගමික අදහසින් නොව අප මුලින් සඳහන් කළ සැපවත් සැනසිල්ලය. එය පෘතඃජනයන් ලෙස සාමාන්‍යය. රැවටිල්ල සැනසිල්ලක් නම් සැනසිල්ලම රැවටිල්ල නොවන්නේ ද?
ප්‍රශ්නවලට ආගමක්, ජාතියක් නැත. බඩගින්නට පන්සලට, පල්ලියට, කෝවිලට කළ හැකි දෙයක් නැත. එහෙත් ගැලවිල්ල ඒ තුළ වේ යැයි සිතේ නම් බඩගින්නේ ඉඳ වුව ඊට කළ යුතු දේ කරන්නවුන් අපමණය.
රහස්
මැරෙන්න යන මිනිසා පිදුරු ගසෙත් එල්ලෙනවා යන්න අපේ පැරණි කියමනකි. සැබැවින්ම මිනිසුන් එලෙස කොතෙක් නම් පිදුරු ගස්වල එල්ලී ඇද්ද ඇතැම් විට ඒ පිදුරු ගස් තම දිවි රැක ගත්තායි විශ්වාසයේ ගිලෙනවුන් කොතෙක් වෙත් ද මේ අතරට පිවිස ඇති අලුත්ම පිදුරු ගස ෆෙංෂුයි රහස්ය.
අපිද මීට පෙර නිකවැරටියට මෙන්ම දොළුකන්දට ගොස් ඇත්තෙමු. ඒ මෙහි වන්නේ අවුලක් බව කියන්නටය.
රටේ ප්‍රසිද්ධ ෆෙංෂුයි ගුරුවරයා යැයි කියාගන්නා පුද්ගලයකුගේ ෆෙංෂුයි අලෙවි සැලට මම රිංගුවෙමි. මාස්ටර් එහි නොවීය. මාස්ටර් ආවට ගියාට හමුවිය නොහැකි බව මම දුරකථනයෙන් තහවුරු කොට ගෙන සිටියෙමි. අලෙවි සැලක් වුව මාගේ පැමිණීම ප්‍රශ්න කරන ස්වභාවයක් එහි විය. එය ඔවුන්ගේ වෙළඳ උපක්‍රමයක් බව මට වැටහුණි. ෆෙංෂුයි ගැන ආධුනිකයෙකු නම් ඔහු එයට අල්ලා ගැනීම ප්‍රශ්න කිරීමේ කලාව තුළ අරමුණය. ෆෙංෂුයි ගැන මඳක් විමසූ මම මේ රූප තබා ගැනීමෙන් නියම ප්‍රතිඵල ලබා ගත හැකිදැයි විමසුවෙමි. ඒ තුළම මා පිළිබිඹු කරන්නේ අවිශ්වාසය බවත් මුලින්ම ෆෙංෂුයි කෙරෙහි විශ්වාසය තබාගෙන කරන කියන දෑ ආරම්භ කළ යුතු බවත් එහි සිටි කාන්තාවක් මා දැනුවත් කළා ය. මා දෙස බලමින් මට සිනාසෙන තඩි බඩ ගෙඩිය ඇති ලාෆින් බුද්ධාගේ රූප එක එක ප්‍රමාණයෙනි. කොටින්ම හැම තැනමය. මටත් සිනා සී සිිටිය නොහැකි තරමට සිනහා පිරි මුහුණුය. ලාෆින් බුද්ධාගේ රූප සිල්ලර කඩවල මුදල් ගනුදෙනු කරන ලාච්චුව ආසන්නයේ ලැගුම් ගෙන සිටිනුයේ සිල්ලර කාසි උඩය. මේ රූපය එලෙස තබා නැති කඩ සොයා ගැනීම අපහසු තරම්ය. දියුණුයැයි සිතිය හැකි කඩයක සිට බුලත්විට කඩය දක්වා මේ ආකාරයට රූපය කෙරෙහි විශ්වාස කරති. මෙහි නියම පිළිවෙත විමසූ විට මාස්ටර්ගෙන් පුහුණුව ලද තරුණිය පැවසුවේ එහි ගුණ ලබන්නට නම් නියම ස්ථානයකින් එම රූපය ගත යුතු බවය. කොටින්ම තමන්ගේ වැනි ෆෙංෂුයි මධ්‍යස්ථානයකින්ම එම රූපය ගත යුතු බවය.
ලාෆින් බුද්ධා
ලාෆින් බුද්ධ ප්‍රතිමා පේව්මන්ට් එකේ විකුණන බවත්, වාහනවලින් ගෙනවිත් පාරක් අයිනේ නවතා විකුණන බවත් එවැනි රූපවල කිසිදු වටිනාකමක් නැති බවත් එම තරුණියගේ අදහසය. එයට හේතුව එම රූපය එවැනි තැන්වල තැබීම හරහා එහි බලය අතුරුදන්ව යන බැවිනි. ෆෙංෂුයි මධ්‍යස්ථානවල ඇති ප්‍රතිමාවල ආරක්ෂාව මාස්ටර්ගේ භාවිතාව හරහා සිදුකර ඇති බවට ඇය සහතිකයක් දුන් අතර ආගමික ස්ථාන අසල ඇති ප්‍රතිමා කුමන හෝ හේතුවකටවත් නොගත යුතු බව පැවසීය. එයට හේතුව ෆෙංෂුයි රහස් ආගමික ස්ථානවලට විරුද්ධ වීමය. ආගමික ස්ථාන කරා යන බොහෝ අය ප්‍රශ්න කරගසා ඒවාට විසඳුම් සඳහා යන බැවින් එවැනි තැන්වල ෆෙංෂුයි ප්‍රතිමාවලට බලයක් නැති බව ඇගේ අදහසය.
ඔවුන්ගේ වෙනත් ෆෙංෂුයි මධ්‍යස්ථානයකට ගොඩ වුණෙමි. මගේ ගැටලුව ඉදිරිපත් කළෙමි. මගේ නිවසෙහි දියුණුවක් නැති බව පැවසුවෙමි. මා කවුද ලබන වැටුප කිසිත් නොවිමසූ ඔහු නිවසේ ඉදිකිරීම්හි දෝෂ ඇති බවත් නිවසෙහි ප්ලෑනෙහි කොපියක් ගෙන ආවේ නම් දොස් පෙන්විය හැකි බවත් පැවසුවේය. එය නොමිලේ ලබාදෙන සේවයකි. එහෙත් එකී දෝෂ, නිවාරණය කරගැනීම මාස්ටර් ලවා කරගත යුතුය. ඔහු නිවෙස් කරා පැමිණෙන අතර ඊට හිමි වටිනාකම ඔහුම තීන්දු කරයි. තනි තට්ටුවක නිවසක් නම් මූලික පිරික්සීමට 10, 000ක මුදලක් අය කෙරේ. දෙමහල් නිවසක් නම් රුපියල් 20, 000කි.
ගෙවල් කැඩීම
ෆෙංෂුයි ක්‍රමයට ගෘහ නිර්මාණය කිරීම මේ දිනවල බහුලව දක්නට ඇති දසුනකි. ඊට කදිම නිදසුනක් දැක්විය හැකි ය. මේ පවුලේ දරුවෝ දෙදෙනා විරැකියාවෙන් පෙළෙයි. විරැකියාව භූමි දෝෂයක් වත් කාගේ හෝ වරදක් නොව ඔවුන් ලද අඩු අධ්‍යාපනයයි. එහෙත් මේ පවුලේ දෙමාපියන්ගේ දැඩි විශ්වාසය එය ගුප්ත බලවේගයක ප්‍රතිඵලයක් බවයි. මුලින් ඊට විසඳුම් බුද්ධාගමෙන් සෙවූ මේ පවුල නොගිය පන්සලක් නැත. නිවසේ අල්ලක් තරම් පටු මිදුලෙහි පවා විශාල බුදු මැදුරක් තනාගෙන වත් පිළිවෙත් කරන තැනට පත්වූහ. එහෙත් ප්‍රතිඵලය සුබදායක නැත. නිවසෙහි උදේ හවා ඇසෙනුයේ පිරිත්ය. එහෙත් බලයක් නොවීය. අවසන රටේ ජනපි්‍රය බුද්ධාගමේ පුරෝගාමී හිමිවරුන් නිවසට වඩමවා බැරි බැරි ගාතේ බණ කියන තැනට ප්‍රශ්නය දුරගිය මුත් සරණක් නොවීය. ඒ වෙනුවෙන් යොදන මුදල්වලද කෙළවරක් නොවීය. මේ අල්ල පනල්ලේ ඔවුන්ට ෆෙංෂුයි ගැන කන වැටුණි. ෆෙංෂුයි ක්‍රමයට නිවස පරීක්ෂා කළ ඔවුහු ඊට සරිලන ලෙස උළුවහු, ජනෙල් ගලවා තබන්නට වූහ. ෆෙංෂුයි ක්‍රමයේ සංකල්පයක් වන නිරන්තරයෙන් වතුර ගැලීමට සැලැස්වීම යහපත් බව සැලවීමත් සමග එවැනි කලයක්ද නිවෙස ඉදිරිපිට තැබිණි. පිරිත් වෙනුවට ෆෙංෂුයි සීඩී තැටි නිතර වාදනය වන්නට විය. ඔවුන් මෙය වැළඳ ගැනීමත් සමග ෆෙංෂුයි සංකේත නිවස පුරා දැක ගත හැකි සුලබ ගතියකි. ප්‍රගතිය මැනීම පසුවට කළ යුත්තකි. කිසිවෙක් මේ දිනවල ලක්ෂ ගණන් වැයකොට ඉදිකළ නිවෙස්වල දොර ජනේල ගළවා වෙනත් තැන්හි සවිකරත් නම් ඒ ෆෙංෂුයි රහස් වැළඳගත් බවට කදිම සාක්ෂියකි. අද මෙලෙස කටයුතු කරන පිරිස් බොහෝ වෙති. නිවෙස් හරහා ඔවුහු ෆෙංෂුයි සංකේතවලටද ඉබේටම හසුවෙති. ඒ යසස කීර්තිය යහමින් ලැබීමටය.
මිනිසුන් ලෙස යුගයෙන් යුගයට එන අලුත් විජ්ජාවන්ට ඇලීම, ගැලීම යෙහෙකැයි කීම වෙනුවට අද අප එය විවේචනයට බඳුන් කරනුයේ අන් කිසිවක් නිසා නොව මේ හරහා ෆෙංෂුයි මුදලාලිලා නිර්මාණය වී ඇති නිසාය. මේ ෆෙංෂුයි කලාව ව්‍යාපාරයක් කරගනිමින් කෙසේ හෝ ප්‍රීතිමත් දිවි පෙවෙතක් අපේක්ෂා කරන අයට පී්‍රතිය කෙසේ වෙතත් තම අතේ ඇති තුට්ටු දෙක ෆෙංෂුයි මුදලාලිලාට වැය කිරීමට සිදු වේ. ඇතැමෙක් ෆෙංෂුයි රහස් විකිණීමේ සක්විත්තන් වී ඇත්තාහ. මේ සඳහා ටෙලිවිෂන් මාධ්‍යය ද උපයෝගී කරගනී.
ෆෙංෂුයි
ෆෙංෂුයි යනු චීන අර්ථ ගැනීමට අනුව සුළඟ හා ජලයයි. එය ජීවත්වීම පිණිස අවැසි කරන ශක්තියයි. එකී විශ්ව බලය චීන ජාතිකයන් ෆෙංෂුයි හරහා චී බලය ලෙසට පෙන්නුම් කරන බව සැලය. ඒ අනුව ගෘහයක් තුළ චී ශක්තිය සැරිසරන ආකාරය අනුව එහි වෙසෙන මිනිසුන් සමෘද්ධිය කරා ගෙන යන බව චීනුන්ගේ පිළිගැනීමය. මුල් දොරටුවෙන් ගෙතුළට ඇතුළුවන චී බලය නිසි ලෙස පිළිගැනීමට සූදානම් නම් එකී නිවැසියන්ට අත්වන වාසනා මහිමය අසීමිත බවත් එය උදාකර දීම ෆෙංෂුයි හි කාර්ය බවත් සැලකේ. එසේ නම් බෝ ගසට පිරිත් නූලට අනාගත සැප සම්පත් ලැබීම බාර කළ මිනිසුන් ෆෙංෂුයිවලට ඒමට දොර හැරීම අරුමයක්ද චී ශක්තිය ඇතුළු වීමට බොහෝ නිවෙස්හි ද්වාර පිහිටා ඇති ක්‍රමය ෆෙංෂුයි ගෘහ නිර්මාණ ශිල්පයට අනුව අවුල්ය. නියතවම චී ශක්තියට ගෙට එන්නට උළුවස්ස වෙනස් කළ යුතුය. සදා නිම කළ නිවෙස් දඩි බිඩියේ කැඩෙන්නේ එබැවිනි. බොහෝ නිවෙස්හි ළිප පිහිටා ඇත්තේ දොරට මුහුණලා නොවේ. ෆෙංෂුයි වලට අනුව මෙය අසුබය. එබැවින් ළිප ඒ දෙසට හැරවිය යුතුය. නැතිනම් දොර ගලවා ළප දෙසට සකස් කළ යුතුය. මේ දිනවල ෆෙංෂුයි වැළඳගත් අය මේවා කිසි පැකිළීමකින් තොරව සිදු කරති. නිකවැරටියේ ගිය පිල්ලෑවේ ගිය කතරගම යන ජනයාම ෆෙංෂුයි රහස් වැළඳගෙන ඇත.
මුලින් නිවසට ඇතුළු වන මේ ෆෙංෂුයි විජ්ජාකාරයන් ඉන්පසු චීනයේ තණ කොළ ටික පවා මොවුන්ට අලෙවි කරති. මෙය අපූරු ජාවාරමකි. දරුවාගේ ඉගැනීමේ සිට රාතී්‍ර රති කි්‍රයාවලිය දක්වා ෆෙංෂුයි ගුප්ත රහස් ඇත. මිනිසුන්ගේ හිසරදයේ සිට වඳභාවය දක්වා ජිමික් ෆෙංෂුයි රහස්වල ඇත. අද වන විට ශීඝ්‍ර ලෙස මෙය බෝ කර ගන්නා ප්‍රමාණය ඉහළ යමින් සිටිති. චීනයෙත් නැති තරමට චීන අවන්හල් බිහිවූවා සේ ම ෆෙංෂුයි මධ්‍යස්ථාන ද සතර අත පවතී. මධ්‍යස්ථාන යනුවෙන් බොරු නමක් පටබැඳගත්තද මෙය හුදු සිල්ලර කඩයකට එහා නොයයි. චීනයේ දරකෝටු පවා මෙහි අලෙවි වේ. බැලූ බැල්මටම බොරු ලෝකයක් ඒ තුළ තිබුණද මිනිසුන් ඒවාට ඇබ්බැහි වී ඇත. මේවායෙන් මුදා ගැනීම කිසිවෙකුට අදාළ නැති කරුණුය. සක්විති, දඬුවම් මෙන්ම දළුවත්ත වැනි තක්කඩියන් කළ දේ ම වෙනස් අයුරකින් ෆෙංෂුයි මුදලාලිලා කරති. මෙයට පේටන්ට් අයිතිය ගැනීමට නියම ෆෙංෂුයි තමන්යැයි කීමට අප සොයා බැලූ කිහිප දෙනෙකු දඟලති. මෙය කරන අය මාස්ටර්ලාය. ගැහැනු මාස්ටර්ලාද සිටිති. එහෙත් සත්‍ය වශයෙන්ම මේ නම් රැවැට්ටීමට මාස්ටර්ලාය. පර්ස් එකේ තුට්ටු දෙකට විදීමේ සාත්තරය දන්නා සූත්තරකාරයන්ය. ලාෆින් බුද්ධ ප්‍රතිමාව නිවෙස්වලට වෙළඳ ස්ථානවලට ගෙන ගිය ඔබට ඇත්තටම සුබද ඔබ නොදන්නවා වුවද ලාෆින් බුද්ධ සිනා වෙන්නේ ඔබටමය. ෆෙංෂුයි හරහා ධනවත් වන්නේ ෆෙංෂුයි මුදලාලිලාය. ඔබ තවදුරටත් ඔවුන් තර කරනවාද ඉගෙනීමට පන්තියේ පළමුවැනියා වන්න, විභාගයකින් උපරිම ලකුණු ගන්න, ගෙදර අධ්‍යාපන යෝග අල්ලන ගැමි ෆෙංෂුයි මුදලාලිගේ දේශනවලින් උගත හැටිය. මේ එකී සරල ඉගැන්වීම්ය.
• අධ්‍යාපන වාසනාව සහ මතක ශක්තිය වැඩි කර ගැනීමට ගුප්ත සංගීතය භාවිත කරන ආකාරය. (සීඩී තැටි ඔවුන් සතුය. ඒවා මිලදී ගත යුතුය. රු. 500) • මතක ශක්තිය වැඩි කිරීම පළිඟු යෙදීමේ රහස් • විභාග ශාලාවේ දී අන් අයට හොරෙන් ෆෙංෂුයි මුද්ද කරකැවීමේ ක්‍රම සහ විභාග ජය ගැනීමට ෆෙංෂුයි මුද්ද යෙදීමේ ක්‍රම - මුද්ද 1000කි. ) • ශී්‍ර ලංකාවේ සිසුන් තිස්දහසක් විභාගවලදී හොරෙන් පාවිච්චි කරන විභාග තාඕ යන්ත්‍රය ගැන රහස්. • පාඩම් කිරීම සඳහා නිවසේ සුබම තැන් දෙක සොයා දීම. (මේ සියල්ල දැන ගැනීමට ෆෙංෂුයි අධ්‍යාපන දේශනවලට යා යුතුය. දේශන සඳහා ටිකට් පත් 500 - 1000 - 1500 වැනි මුදලට තිබේ. )
ෆෙංෂුයි සංකේත
ෆෙංෂුයි සංකේත මහ ගොඩකි. ලාෆින් කුබේරන් හෙවත් ලාෆින් බුද්ධගේ ප්‍රතිමා, චීන කාසී තුන (අපේක්ෂිත අරමුණ ධනය ලැබීම) කකුල් තුනේ ගෙම්බා (ධන වාසි. රුපියල් 200 සිට 4500 දක්වා මුදලට විවිධ ප්‍රමාණයෙන් ඇත. ) චීන රිදී සීනුව (පවුලේ සාමයට රු. 500) ඩබල් හැපිනස් තාරා ජෝඩුව (අඹුසැමි සාමයට - රු. 200 සිට 2000 දක්වා) චීන මැජික් මුද්ද - අධ්‍යාපනයට පළිගු බෝලය, රුවල් නැව මේ ආකාරයට විවිධ සංකේත 200ක් පමණ ඇත. ලාෆින් බුද්ධගේ විවිධ ප්‍රමාණයේ ප්‍රතිමා රු. 100 සිට 25, 000 දක්වා පවතී. 25, 000 පිළිම අති විශේෂ ගුණදායක බව ඔවුන්ගේ අදහසය. රුවල් නැව් 500 සිට 45, 000 දක්වා ඇත. මීට අමතරව චිත්‍ර බොහෝමයක් ඇත. මේවායෙන් විවිධ ගුණ පෙන්වා දේ. මේ එවැනි අපූරු චිත්‍ර කිහිපයකි.
බබලා 100 දෙනාගේ චිත්‍රය
මෙම චිත්‍රයට නිරෝගී දඟකාර සුරතල් ලස්සන බබාලා 100 දෙනකු ඇතුළත්ය. දරුවන් නැති විවාහකයන්ට මේ රූපය නිදන කාමරයේ එල්ලීම ප්‍රමාණවත්ය. අපේක්ෂාව පුතකු නම් පින්තූර ඊශාන දිශාවට ඇති බිත්තියේ එල්ලිය යුතුය. දුවකු අවශ්‍ය නම් බස්නාහිරට මූණලා බිත්තියේ එල්ලිය යුතුය. දරුවකු ලැබුණු පසු තවත් දරුවකු අවැසි නම් එය බිත්තියේ තැබිය යුතුය. අවශ්‍ය ප්‍රමාණයෙන් පසු එය ගැලවිය යුතුය. මන්ද ළමුන් ලැබීමේ කෙළවරක් නැතිවිය හැකි බැවිනි. මේ ඔවුන් ඒ රූපය ගැන හඳුන්වා දෙන හැටිය. රූපය, රු. 500 කි.
අශ්ව රූපය
අශ්වයන් සමූහයකි. රැකියාවේ තරගකාරී බවට කදිම බව පැවසේ. නිවසේ දකුණු දිශාවේ හෝ ඔෆිස් කාමරයේ දකුණු දිශාවේ ඇලවිය යුතුය. සියල්ල සාර්ථක වේ. මිල රු. 300 කි. මීට අමතරව යන්ත්‍ර මහ ගොඩකි. ඒවා දිගින් දිගට විස්තර කිරීමද විගඩමකි. එහෙත් කිහිපයක් මෙසේය.
Protection Amulet යන්තරය මෙය කුඩා ස්ටිකරයක් බඳුය. මෙය දොරේ ඇල වූ විට කිසිදු සොර සතුරෙක් ඇතුළු නොවේ. මිල රු. 300 කි.
Legal Appealing Amulet යන්තරය
මෙය සාක්කුවේ දමාගෙන ගිය විට පොලීසියේ සහ උසාවියේ ප්‍රශ්න විසඳේ. මෙය දමාගෙන උසාවියට ගිය විට ඔහුට විරුද්ධ නීතිඥයා කටවත් නොඇරි බව අත්දැකීමකින් පෙන්වා දේ. මිල රු. 300 කි.
වාහන ආරක්ෂක යන්තරය
වාහනය පිටුපස ඇලවිය යුතුය. උපරිම ආරක්ෂාව සැපයේ. මිල රු. 200 කි. ටයිගර් අයි බේස්ලට් මෙය පැළඳීමෙන් අධ්‍යාපනය සාර්ථක වී දියුණුව ලැබේ. මිල රු. 350 කි. ෆෙංෂුයි රහස්වලින් ඇරඹි මේ ව්‍යාපාරය මේ වන විට ඉන්දීය යන්තර අලෙවිය දක්වා වැඩි වී ඇත. මේ එවැනි යන්තරය. වාහන දුර්ගට්නා යන්තරය වාහන අනතුරු වළකයි. යන්තරය වාහනයේ රැඳවිය යුතුයි. මිල රු. 1000 යි. සෂ්තම් ගෝපාල් යන්තරය දරුපල ගෙන දේ. රාතී්‍ර නින්දට පෙර අඹුසැමි යුවළ යන්තරය ඇඳ උඩ තබාගත යුතුය. රු. 1000 කි. ගනේෂ් සිද්ධි යන්තරය සාක්කුවේ දමාගෙන විභාගවලට මුහුණ දිය යුතුය. මිල රු. 1000කි. මහා ලක්ෂ්මි යන්තරය ධනය යහමින් ලැබේ. යන්තරය පූජා ස්ථානයේ තැබිය යුතුය. මිල රු. 1000 කි. ලග්න යෝගී යන්තරය විවාහයක් කර ගැනීමට නොහැකි අය මෙය සාක්කුවේ දමාගෙන යා යුතුය. මිල රු. 1000 කි. මේ ආකාරයට විවිධ කාරණාවලට සැදූ යන්තර මහ ගොඩකි. ඒ හැම එකක්ම රු. 1000 කි. ෆෙංෂුයි මන්ත්‍ර මෙය සීඩී. තැටියකි. උදේ හවා දමා තැබිය යුතුය. වස් දොස් අතුරුදන් වේ.
සීඩී 500 කි
මෙවැනි කාරණා අපමණ පෙන්වා දිය හැකි මුත් මෙය තුට්ටු දෙකේ ප්‍රෝඩාවක් බව තේරුම් ගන්නට මේ ඕනෑතරම්ය. මහන්සියෙන් හම්බ කරගන්නා මුදල් මෙවැනි සිල්ලර වෙළඳෙුන්ට දී මිථ්‍යාවේ ගිලෙනවාද යන්න මෙයට හසු වූ සහ හසුවන්නට මාන බලන සැම සිතිය යුතුය. ෆෙංෂුයි රහස් යනු කළු කඩ වෙළඳොමකි. මාස්ටර්ලා නියම තක්කඩිය. එයට හසු වී මුලා නොවීමේ යන්තරය ඔබ ළඟය. ඔබගේ ගැටලු, ප්‍රශ්න පීඩාවන් පින්තූරයකට, පිළිමයකට, යන්තරයකට, මන්තරයකට විසඳාලිය හැකිද ඔබම කල්පනා කරන්න. ෆෙංෂුයි රහස්වලින් දියුණු වී ඇත්තේ ෆෙංෂුයි මුදලාලි බව නම් අපට රහසක් නොවේ. ෆෙංෂුයි හි රහසක් නැත. රහස ඇත්තේ ඔවුන්ට හසුවන අය තුළය. එනම් නිරන්තරයෙන් රැවටීමේ කලාවය. රහස එයය. ලජ්ජා විය යුතු නැත. ලාෆින් සිනා සෙන්නේ ඒ රැවටෙන්නන්ටය.

©රාවය පුවත්පතේ ටිරන් කුමාර බංගගමආරච්චි ගේ ලිපියකි.

Share

දිගටම කියවන්න ->>

ශ්‍රි ලංකා ප්‍රිමියලීග් තරගාවලියේ(SLPL) අපි නොදකින ඇත්ත.....

ඉන්දීය ක්‍රිකට් ප්‍රිමියලීග් තරගාවලියට(IPL) සමාන ක්‍රිකට් තරගාවලියක් ශ්‍රි ලංකා ප්‍රිමියලීග් (SLPL) නමින් ශ්‍රිලංකාවේ පැවැත්විමට දැන් සියළු මුලික කටයුතු සුදානම් කර හමාරය. ලබන ජුලි 19 සිට අගෝස්තු 04 දක්වා මෙහි සියළු තරග කොළබ ආර්. ප්‍රේමදාස ක්‍රිඩාංගනයේ පැවැත්විමට කටයුතු යොදා ඇත. මේ සදහා කණ්ඩායම් 07ක් දැනටමත් සුදානම් කර ඇති අතර එම කන්ඩායම් හත වනුයේ ඩිල්ෂාන්ගේ නායකත්වයෙන් යුත් බස්නාහිර බෙයාර්ස්, ජයසුරියගේ නායකත්වයෙන් රුහුණු රයිනෝ,සංගාගේ නායකත්වයෙන් කදුරට කයිට්ස්,මහේලගේ නායකත්වයෙන් යුත් වයබ වුල්ෆ්ස්, විටෝරිගේ නායකත්වයෙන් යුත් උතුරු ඔරික්ස්, අෆ්-රිඩිගේ නායකත්වයෙන් යුත් නැගෙනහිර නාගාස් හා චමින්ද වාස්ගේ නායකත්වයෙන් යුත් ඌව යුනිකෝන්ස්ය.

මෙහි ඇති වැදගත්ම දෙය නම් මෙම තරගාවලිය ශ්‍රි ලංකා ක්‍රිකට් තරගාවලි කමි‍ටුවේ වාර්ෂික තරගාවලි සැලැස්මට ඇතුලත්ව තිබුනත් මෙහි සංවිධානය පිලිබදව ශ්‍රි ලංකා ක්‍රිකට් තරගාවලි කමි‍ටුව කිසිවක් නොදැන සිටිමයි.වාර්ථා වන අව්දමට මෙහි සියළු කටයුතු මෙහෙයවනු ලබන්නේ හිටපු තේරිම් කමි‍ටු සභාවති අරවින්ද ද සිල්වා හා ක්‍රිකට් අතුරු කමි‍ටු ලේකම් නිශාන්ත රනතුංගත් වසර 05කට ශ්‍රිලංකා වේ අන්තර් පළාත් ක්‍රිකට් තරගවල අයිතිය ලබා ගත් සිංගප්පුරුවේ සමර්සෙට් වෙන්චර්ස් සමාගමත් පමණි.

අපේ රටේ අන්තර්පළාත් ක්‍රිකට් තරගාවලිය පවත්වන්නට යන්නේ කොළබය. මෙම SLPL තරග සියල්ලක්ම කොළබ ආර්. ප්‍රේමදාස ක්‍රිඩාංගනයේ පැවැත්විමට නියමිතය.ඒ අනුව තම පළාතේ කණ්ඩායම තරග වදිනු සියසින් දැක ගැනිමට සැම පළාතකම ක්‍රිඩාලෝලින්ට කොළබ පැමිනිමට සිදුවනු ඇත. එසේනම් කෝටි ගනන් වියදම් කර සුරියවැව,පල්ලේකැලේ,දබුල්ල වැනි පළාත්වල ක්‍රිඩාංගන ඉදිකිරිමෙන් ඇති ප්‍රතිඵලය කුමක්ද? මේ ක්‍රිඩාංගන කා සදහාද?


මෙහිදි එක් කණ්ඩායමක් සදහා විදෙස් ක්‍රිඩකයින් 04 දෙනෙකුට ක්‍රිඩා කිරිමට අවස්ථාව උද කර ඇත. ඒ අනුව තවත් ශ්‍රිලංකා ක්‍රිඩකයින් 04ක් හා 21 පහල ක්‍රිඩකයකු ඇතුලත් ක්‍රිරිමට නියමිතයි. ඒ අනුව බලන කල තවත් අවස්ථව ඉතිරි වනුයේ එක් කණ්ඩායමට ක්‍රිඩකයින් 06ට පමනි. මේ අනුව බලන කල ක්‍රිඩා සමාජ මට්ටමින් "ඒ" කොටසින් පමණක් කණ්ඩායම් 11ක ක්‍රිඩා කරන ක්‍රිඩකයින් 165 දෙනෙකුගෙන් මෙම තරගාවලියට සහභාගි විමට අවස්ථාව හිමිවනුයේ 42නෙකුට පමණි. මෙයිනුත් හොදම ක්‍රිඩකයින් 16 දෙනෙකු ශ්‍රිලංකා A කණ්ඩායම නියෝජනය කරමින් මෙම තරගය පැවැත්වෙන කාල සිමාවේදි එංගලන්තයේ සංචාරය කිරිමට නියමිතයි. එවිට මෙම නවක ක්‍රිඩකයින්ට මෙම තරගාවලියට සහභාගිවිමට නොහැකිවේ. එසේනම් වැරදි කාලයක වැරදි අන්දමින් මෙවැනි තරගාවලියක් පැවැත්විම ඇති උවමනාව කුමක්ද?

වාර්ථා වන අන්දමට මේ සදහා ක්‍රිඩකයින් මේවන විටත් ‍තෝරාගෙන අවසන්ය. එම තේරිම සිදුකර ඇත්තේ වත්මන් තේරිම් කමි‍ටුව මහින් නොව හිටපු තේරිම් කමි‍ටු සභාපති වරයා විසින්ය.මෙවර අන්තර්ක්‍රිඩා සමාජ තරගාවලිය නොපැවැත්විම නිසා මේ සදහා ක්‍රිඩකයින් ‍තෝරා ගත්තේ කුමන පදනමකින්ද යන්නද සැක සහිතය.වසර 05ක් සදහා ශ්‍රි ලංකාවේ අන්තර් පළාත් ක්‍රිකට් වල වෙලද අයිතිය ලබාගත් සිංගප්පුරුවේ ලියාපදිංචි සමර්සෙට් වෙන්චර්ස් සමාගම අපේ ක්‍රිකට් බලධාරින් සමග ගණුදෙනු කල ආකාරයද සැක සහිතය. මෙම තරගාවලිය සදහා වෙළද අයිතිය විකිණිම සම්බන්දව ක්‍රිකට් අතුරු කමි‍ටුව ප්‍රසිද්ධියට පත් කලේ තම නිල වෙබ් අඩවියෙන් පමනි. පසුගිය අප්‍රේල් 15 වනදා අයදුම්පත් කැදවිම අවසන් උවද මෙම සිංගප්පුරු සමාගම සිංගප්පුරුවේ පිලිගත් සමාගමක් ලෙස ලියාපදිංචි කර ඇත්තේ අප්‍රේල් 23 වනදාය.අයදුම්පත් එවන විට මෙම සමාගමට වෙබ් අඩවියක් හෝ විද්්‍යුත් ලිපිනයක්ද නොමැතිවිම තවත් විමතියට කරුනකි. ඉන්දියන් ජාතිකයින්ගෙන් සමන්විටහ් මෙම සමාගමට අන්තර් පළාත් ක්‍රිකට් අයිතිය විකිණුවේ වසරකට 5%ක වැඩිවිමක් සමග වාර්ෂිකව මිලියන 30කටය. ඒ අනුව අපේ ක්‍රිකට් පාලක මණ්ඩලයට අයත් වනුයේ එපමනකි.අනුග්‍රාහක මුදල් හා ජත්‍යාන්තර හා දේශිය රුපවාහිනි විකාශ අයිතින් විකිණිමේ හා එහි ලාබ ඉපයිමේ අයිතියද ඇත්තේ මෙම සමාගම සතුවය.මෙම සමාගම විදේශිය ක්‍රිඩකයකු හට ඇ.ඩොලර් 30 000ක මුදලක් ලබාදෙන අතර අපේ ක්‍රිඩකයින්ට ලැබෙනුයේ සොච්චමක් පමණි.

ශ්‍රි ලංකාවේ අන්තර් ක්‍රිඩාසමාජ t20 තරගාවලියත් අහෝසිකර පැවැත්විමට යන මෙම SLPL තරගාවලිය ලාංකික ක්‍රිකට් වලට වසන්තයක්ද? එහෙමත් නැතිනම් තවත් එක් මුදල් කොල්ලකන වියාපෘතියක්ද යන්න සොයා බැලිම ක්‍රිඩා ඇමතිවරයාගේද වගකිමකි..
වැඩිපුර තොරතුරු

SLPL තරගාවලිය සදහා දැනට සහභාගි විමට නියමිත විදේස් ක්‍රිඩකයින්ගේ නම්

Australia: David Warner, Shaun Tait, Callum Ferguson, Daniel Christian

Bangladesh: Tamim Iqbal.

India: Dinesh Karthik, Irfan Pathan, Manish Pandey, Manoj Tiwary, Munaf Patel, Paul Valthaty, Praveen Kumar, Ravichandran Ashwin, Ravindra Jadeja, Saurabh Tiwary, Umesh Yadav, Vinay Kumar.

Ireland: Kevin O'Brien.

New Zealand: Daniel Vettori.

Pakistan: Imran Nazir Shahid Afridi, Shoaib Akhtar, Sohail Tanvir, Umar Akmal, Wahab Riaz.

South Africa: Albie Morkel, Herschelle Gibbs, Lonwabo Tsotsobe, Makhaya Ntini.

West Indies: Chris Gayle Danza Hyatt, Darren Bravo, Kieron Pollard.

Share

දිගටම කියවන්න ->>

බුද්ධිකගේ සමාධි පදනම විසුරුවන්න රනිල් නියෝග කරලා

මාතර දිස්ත‍්‍රික් පාර්ලිමේන්තු මන්ත‍්‍රී බුද්ධික පතිරණ මහතා විසින් පවත්වාගෙන යන වසර කිහිපයක සිට පවත්වාගෙන එන සමාධි ප්‍රජා සංවර්ධන පදනම විසුරුවා හරින ලෙස පක්ෂ නායක රනිල් වික්‍රමසිංහ මහතා දන්වා ඇතැයි වාර්තා වේ. බුද්ධික පතිරණ මහතා කෘත්‍යාධිකාරී මණ්ඩලයට ඇතුළත් කරගන්නා ලෙස සජිත් ප්‍රේමදාස මහතා රනිල් වික්‍රමසිංහ මහතා වෙතින් ඉල්ලීමෙන් පසු මේ දැන්වීම කර ඇතැයි වාර්තාවේ.

වසර පහක් පළාත් සභා මන්ත්‍රීවරයකු වසරක් පළාත් සභාවේ විපක්ෂ නායකයකු ලෙසද දැනට පාර්ලිමේන්තු මන්ත්‍රීවරයකු වන බුද්ධික පතිරණ මහතා පසුගිය මැතිවරණයේ මනාප 62,499 ලබාගනිමින් මාතරින් පළමුවැනියා විය.

දිස්ත්‍රික්කයේ විවිධ වැඩසටහන් හා ප්‍රජා සේවාවන් කරන ආයතනයක් බව සමාධි ප්‍රජා සංවර්ධන පදනම ප්‍රචලිතව ඇති අතර පාර්ලිමේන්තු මන්ත්‍රී මංගල සමරවීර මහතාගේ හා සාගල රත්නායක මහතාගේ ඉල්ලීමක් අනුව මේ සංවිධානය විසුරුවාලීමට නියෝග කිරීමට නායකත්වය කටයුතු කර ඇතැයි ද සඳහන්ය.
මුලාශ්‍ර:දිනමිණ

Share

දිගටම කියවන්න ->>

ඩෙංගු චිකුන් ගුන්‍යා වෙන්කර හදුනාගන්නේ කෙසේද?

වර්ෂාව මෙන්ම නියඟය නිසා ද විවිධ වෛරස රෝග පැතිරේ. වෛරස උණ වර්ග අතර චිකුන් ගුන්‍යා සහ ඩෙංගු වලට ප‍්‍රධාන තැනක් හිමි වෙයි.චිකුන් ගුන්‍යා බොහෝ පීඩාකාරිය. එහෙත් මාරාන්තික නොවේ. ඩෙංගු රෝගය එතරම් දැඩි වේදනා ඇති නොකළ ද මාරාන්තික වන අවස්ථා ද තිබේ.නිතර වැළඳෙන සෑම උණක් ම ඩෙංගු හෝ චිකුන් ගුන්‍යා නොවන බවත්, එම රෝග දෙක එකිනෙක වෙනස්ව හඳුනා ගැනීමට ප‍්‍රමාණවත් දැනුමක් ජනතාව සතු විය යුතු ය.අපි‍්‍රකානු මහද්වීපයේ මුලින් ම ඇති වූ උණ රෝගය ස්වහිලී දූපත්වල වැසියන් හැඳින් වූයේ ‘චිකුන් ගුන්‍යා’ යනුවෙනි. එහි අරුත ‘නැවුණු මගියා’ යන්නයි. නමේ අර්ථයෙන් ම එහි රෝග ලක්ෂණ පිළිබඳ කිසියම් අදහසක් ඉදිරිපත් වේ.චිකුන් ගුන්‍යා ප‍්‍රධාන ලක්ෂණය උණ සහ හන්දි වේදනාවය. ඇඟිලි පුරුක් වැනි කුඩා හන්දි ද දැඩි සේ වේදනා ගෙන දිය හැකි ය. ඇතැම් විට උණ පළමුව සෑදී හන්දි වේදනා ඇති වීම ද, මුලින් හන්දි සහ ඇඟපත වේදනා ඇති වී පසුව උණ ගැනෙන්නට ද ඉඩ තිබේ. ඩෙංගු රෝගය ද මෙවැනි රෝග ලක්ෂණ ඇතිව හැදෙන්නට ඉඩ තිබේ.රෝග දෙකම එකම මදුරුවාගෙන් බෝවෙන හෙයින් රෝග දෙකම එකවර ඇතිවීමට ද ඉඩ තිබේ.

ඩෙංගු රෝගයේ දී අතපය වේදනා දැනුණත් හන්දි ඉදිමීමක් ඇති නොවේ. කුඩා හන්දිවල වේදනා ඇති නොවේ.ඩෙංගු රෝගයේදී අභ්‍යන්තර රුධිරගලනය මෙන් ම වීදුරු මස්වලින් වැනි බාහිර රුධිර ගලනයක් ඉඩ ඇතත් සාමාන්‍යයෙන් චිකුන් ගුන්‍යා රෝගයේදී එවැනි රෝග ලක්ෂණ මතු නොවේ. චිකුන් ගුන්‍යා රෝගයේදී සම මතුපිට කුඩා බිබිල හෝ රත් පැහැ ගැන්වීම සිදු විය හැකිය. තද උණ රෝග දෙකටම පොදු ලක්ෂණයකි. ඩෙංගු රෝගයේදී උණ තදින් ගැනීම නැවත බැස යළිත් උණ ගැනීමට ඉඩ තිබේ. චිකුන් ගුන්‍යා රෝගයේදී එක දිගටම තදින් උණ නැවතීමට ඉඩ තිබේ. චිකුන් ගුන්‍යා උණ දින තුන හතරකින් බැස ගිය ද විවිධ පසු විපාක තරමක් කාලයක් යනතුරු ඇතිවේ. හන්දි වේදනාව, හන්දි ඉදිමුව සෑම අරුචිය වැනි ලක්ෂණ එසේ පැවතෙයි.ඩෙංගු රෝගය සුව වූ පසුව නැවත නැවතත් හැදීමට ඉඩ තිබේ. එහෙත් චිකුන් ගුන්‍යා රෝගය වැලැදී සුවය ලද පසුව සිරුරෙහි ඇතිවන ප‍්‍රතිශක්තිය දිගුකාලීනව සිරුරෙහි පවත්නා හෙයින් එය නැවත හැදෙන්නේ නැත.ඩෙංගු රෝගයේදී හෘදය වස්තුවට වෛරසයේ බලපෑම් ඇති විය හැකි ය. එසේ වූ විට මයෝකාඩයිටීස් රෝග තත්ත්වය ඇති වේ. හදවතේ කි‍්‍රයාකාරීත්වය දුර්වල වී හදවත විශාල වීමට ඉඩ ඇත.චිකුන් ගුන්‍යා රෝගයේ දී එවැනි තත්ත්වයක් උද්ගත වන්නේ නැත.සාමාන්‍යයෙන් මේ උණ දෙවර්ගය පැහැදිලිව ම එකවර හඳුනාගත නොහැකි හෙයින් සුළු වේදනා නාශකයක් වන පැරසිටමෝල් ගැනීම සුදුසු ය.

කවර උණක් හැඳුණ ද හැකි තරම් ජලය පානය කිරීම හැකි තරම් විවේක ගැනීම මෙන් ම කෑම අරුචිය ඇතත් හැකි තරමින් ආහාර සහ දියර වර්ග ගැනීම කළ යුතු ය.දින තුනකට වඩා උණ ඇත් නම් වෛද්‍යවරයා හමු වී රුධිර පරීක්ෂාවත් කර ගැනීම වැදගත් ය. නිශ්චිත රෝග විනිශ්චය රුධිර පරීක්ෂාවෙන් පසුව සිදු කළ ද, සාමාන්‍යයෙන් රෝග ලක්ෂණ අනුව ද රෝගය හඳුනා ගැනීමේ හැකියාව වෛද්‍යවරයා සතු වේ.උණ වැඩි වී රෝහල් ගතවීමට සිදු වුවහොත් සම්පූර්ණ සුවය ලැබීමට සතියක් පමණ ගත විය හැකි ය. රෝහලෙන් පිටව ගිය පසු වුව ද පෙර විසූ සුවපත් තත්ත්වයට පත් වන්නට මසක් හෝ ඊට වැඩි කාලයක් ගතවීමට ද ඉඩ තිබේ. ජලය පානය නිසි පෝෂණය සහ විවේකය ද ඉක්මන් සුවය සඳහා අත්‍යවශ්‍ය වේ.මේ දිනවල බහුලව මෙරට දක්නට ලැබෙන උණ දෙවර්ගය චිකුන් ගුන්‍යා සහ ඩෙංගු වුවත් වෙනත් වෛරස් උණ වර්ග ද වරින් වර මතු වේ. සැලකිලිමත්ව කටයුතු කිරීම සෑම මිනිසකුගේ ම වගකීමකි. කුඩා ළමයින් ඇතුළු සමස්ත සමාජයට සෞඛ්‍ය සම්පන්න වන්නේ එවිට ය. රෝග වැළැඳීමෙන් ආරක්ෂා වීම රෝග මර්දනය හෝ රෝගවලට පිළියම් කිරීමට වඩා හැමවිටම වැදගත් වේ.
මුලාශ්‍ර:සෞඛ්‍ය දෙපාර්තුමෙන්තුව

Share

දිගටම කියවන්න ->>

පෝය දින 12 ඇති බෞද්ධාගමික වැදගත්කම

අපි බෞද්ධයන් විදියට හැම මාසේකටම පොහෝය දිනයක් සමරනවා. මෙම දිනය බෞද්ධයන්ට අතිශයින්ම විශේශිත දිනයකි.(සමහර අයට නම් මෙය තවත් එක් නිවාඩු ඩිනයක් පමණි.) ඔබ දැන සිටියාද ඔබ මේ හැම මාසේම සමරන පෝය දින 12 ඇති වැදගත් කම මොනවද කියලා... ඔන්න එහෙනම් දැන ගන්න මේ අපි සමරන පෝය 12 ඇති වැදගත් කම් ටික....
මසකට පෝය දින සතරක් තිබුණ ද එයින් වඩා වැදගත් කොට සලකන්නේ පුර පසළොස්වක පෝය දිනයයි. ගමේ පන්සල හා සම්බන්ධ පින්කම් කටයුතුවල පමණක් නොව දුර බැහැර වැදගත් සිද්ධස්ථාන වන්දනා මාන කරන්නට යන්නේ ද බොහෝ විට පෝය දිනයේදීය. කෙසේ වුවත් සෑම පුර පසළොස්වක පෝය දිනයක්ම බෞද්ධයාට ඉතා වැදගත්ය.

වෙසක් පුර පසළොස්වක පෝයලෝකවාසී සියලු බෞද්ධයිනට අති ශ්‍රේෂ්ඨ දිනය වෙසක් පෝය දිනයයි. බුදුරජාණන් වහන්සේගේ ඉපදීම, බුදුවීම, පිරිනිවන්පෑම යන තෙමඟුල සිදු වූයෙ මෙම පෝය දිනයේදීය. ඊට අමතරව වෙසක් පෝය දින සිදු වූ වැදගත් සිදුවීම්,කිඹුල්වත් නුවර දී සුදොවුන් රජු ඇතුළු නෑදෑ පිරිස ඉදිරියේ යමාමහ පෙළහර පෑම,බුද්ධත්වයෙන් අටවන වර්ෂයේ දී තුන්වන වරට බුදුරජාණන් වහන්සේ ලක්දිව කැළණියට වැඩම කිරීම.විජය ඇතුළු සත් සියයක් පිරිස ලංකාවට ගොඩබැසීම,රුවන්වැලි මහා සෑයේ ඉදිකිරීීම් කටයුතු නැකතට ආරම්භ කිරීම.බෞද්ධ අපට අතිශය වැදගත් වන්දනාව වූ සිරිපා වන්දනාවේ යෙදෙන අවසාන පෝයත් වෙසක් පෝය දිනයයි. මීට අමතරව කැලණියට හා අනුරාධපුරයට වන්දනාවේ යාමත් මෙදිනට සිදු කරනවා.

පොසොන් පුර පසළොස්වක පෝයවෙසක් පෝ දිනය මෙන්ම, ශ‍්‍රී ලාංකික අපට අතිශය වැදගත් පෝය දිනයකි.අනුබුදු මිහිඳු මාහිමියන් ප‍්‍රමුඛ ධර්ම දූත කණ්ඩායම දඹදිව සිට මිහින්තලයෙ මිස්සක පව්වට වැඩම කොට දෙවන පෑතිස් රජු ඇතුළු පිරිසට “චුල්ල හත්ථි පදෝපම” සූූත‍්‍රයෙන් දහම් දෙසා ලක්දිව බුදු සසුන ස්ථාපිත කළේ පොසොන් පෝය දිනයේදීය.භණ්ඩුක කුමරු පවිදිවීම හා උපසම්පදාව ලැබීම ද මෙදින සිදු විය.පොසොන් පෝය දිනත් අපේ සැදැහැවතුන් වැඩි වශයෙන්ම වන්දනාමාන කරනු පිණිස යන්නේ අනුරාධපුරයට හා මිහින්තලයටයි.

ඇසළ පුර පසළොස්වක පෝයබෝසතාණන් වහන්සේ මවු කුස පිළිසිඳ ගැනීම,මහාභිනිෂ්ක‍්‍රමණය ප‍්‍රථම ධර්ම දේශනාව වූ “ධම්ම චක්ක පවත්තන සූත‍්‍රය” දේශනා කිරීම යන වැදගත් කරුණු සිදු වූයේ ඇසළ පෝය දිනයි. මීට අමතරව,රාහුල කුමරුගේ උපත සිදුවීම, තීර්ථකයන්ගේ මානය බිඳීම සඳහා ගණ්ධබ්බ රුක් මූලයෙ දී මහා පෙළහර පෑම,කීර්ති ශ‍්‍රී රාජසිංහ රජු කල සියම් රටින් උපාලි තෙරුන් ඇතුළු පිරිස ගෙන්වා ලංකාවේ උපසම්පදාව යළි ඇති කිරීමත් ඇසළ පෝය දිනක දී සිදු වී ඇත.අපේ විහාරස්ථානවල වැඩ වෙසෙන භික්ෂූන් වහන්සේලා පෙර වස් විසීම සිදු කරන්නේත් මෙදිනයි. එමෙන්ම අපට ඉතා වැදගත් සංස්කෘතික උත්සවයක් වැනි වූ මහනුවර දළදා පෙරහරත්, ඇසළ මාසය තුළ දී ආරම්භ කරනු ලබයි.

නිකිණි පුර පසළොස්වක පෝය දිනයආනන්ද හිමියන් රහත් භාවයට පත්වීම,අජාසත් රජුගේ දායකත්වයෙන් රජගහ නුවර දී ප‍්‍රථම ධර්ම සංගායනාව පැවැත්වීම,බුදුරජාණන් වහන්සේගේ ලලාට ධාතුව නිදන් කර සේරුවිල මංගල චෛත්‍යරාජයා තැනීම ආරම්භ කිරීම,පෙර වස් මඟ හැරි ගිය භික්ෂූන් වහන්සේලා පසුවස් සමාදන්වීම නිකිණි පෝය දින වැදගත් සිදුවීම් වේ.නිකිණි පෝය දා සේරුවිල වන්දනාවේ යාම ද සිදු කෙරේ.

බිනර පෝය වැදගත්වන්නේ මෙහෙණි සසුන ආරම්භවූ පෝයදිනය ලෙසයි. බුදුරජාණන් වහන්සේගේ සුළුමව මහා ප්‍රජාපතී ගෝතමී දේවිය බුදුරදුන්ගෙන් පැවිදි බව තෙවරක් ඉල්ලාද එය ලබාදීමට එකඟ නොවූ හෙයින්, බුදු සසුනේ පැවිදිවූ ආර්ය කුමාරවරු 500කගේ බිරින්දෑවරු සමඟ හිස මුඩු කර කසාවතින් සැරසී බුදුරජාණන් වස්කාලයේ වැඩසිටි කූඨාගාර ශාලාවවෙත පැමිණියෝය.
අග්‍ර උපස්ථායක ආනන්ද හිමියට මෙම පිරිස තම ඉල්ලීම පවසා සිටියෝය. ආනන්ද හිමියෝ බුදුරදුන් වෙත ගොස් ස්වාමීනි, භාග්‍යවතුන් වහන්ස, මහාප්‍රජාපතී ගෞතමී තොමෝ පන්සියයක් බිසෝවරුන් පිරිවරා මෙහි පැමිණ බුදුරදුන් වහන්සේ ස්ත්‍රීන්ට පැවිද්ද නො දෙත් යි අඬ අඬා දොරටුව සමීපයෙහි සිටින්නී ය. ස්වාමීනි, ස්ත්‍රීහු බුද්ධ ශාසනයෙහි අනගාරික වූ පැවිද්ද ලබත් නම් මැනවැයි අයැද සිටියහ.
එම ඉල්ලීමද තෙවරක් ප්‍රතික්ෂේප කර නැවත බලවත් පෙරැත්තය නිසා මහා ප්‍රජාපතී ගෞතමිය ප්‍රධාන කාන්තාවන්ට සසුන් දොර විවෘත විය. මෙහිදී පෙර සිටි බුදුවරුන්ගේ ශ්‍රාවිකාවන් පිළිපැදූ අෂ්ට ගරු ධර්ම මොවුන්ටද අදාල බවට මෙහිදී තීරණයවිය.
බිනර පුර පසළොස්වක පෝයධූතාංග සමාදානය සිදු කිරීම,සේරුවිල වාර්ෂික පිංකම් පැවත්වීම,බිනර පෝය දින වන්දනාකරුවන් විශේෂයෙන්ම වැඳ පුදා ගැනීමට යන්නේ මහියංගණයටයි.

වප් පුර පසළොස්වක පෝයබුදුරජාණන්වහන්සේ තව්තිසා දෙව් ලොවින් දඹදිව සංකස්ස පුරයට වැඩම කිරීම,මහා පවාරණය සිදු කිරීම,ශ‍්‍රී මහා බෝධි ශාඛාවක් ඉල්ලා අරිට්ඨ කුමරු ඇතුළු පිරිස දඹදිව ධර්මාශෝක රජු වෙත පිටත්ව යාම,අරිට්ඨ මහ රහතන් වහන්සේ විසින් ථූපාරාමයේ දී විනය පිටකය සංගායනා කිරීම වැනි කරුණු වප් පුර පසළොස්වක පෝය දින සිදු විය.අපේ බොහෝ විහාරස්ථානවල වස් අවසානයේ දී කඨින චීවර පූජා කිරීම ආරම්භ වන්නේත් මෙම පෝය දිනයේදීයි.

ඉල් පුර පසළොස්වක පෝයලෝකවාසීන්ට සෙත සලසනු වස් ප‍්‍රථම රහතන් වහන්සේලා සැට නම ධර්ම දූත සේවය සඳහා පිටත්ව යාම,අග‍්‍ර ශ‍්‍රාවක සැරියුත් තෙරණුවන් පිරිනිවන් පෑම ඉල් පෝය දින සිදු විය.එමෙන්ම කඨින චීවර පූජා කළ හැකි අවසාන පෝයත් ඉල් පෝයයි.

උඳුවප් පුර පසළොස්වක පෝයසංඝමිත්තා මහ රහත් මෙහෙණිය ශ‍්‍රී මහා බෝධි දකුණු ශාකාව ද රැගෙන ලංකාවට වැඩම කරවීම,ලක්දිව මෙහෙණි සසුන ආරම්භවීම උදුවප් පෝය දිනයෙ දී සිදු විය.උඳුවප් පෝය දිනයටත් වැඩි වශයෙන් වන්දනාවේ යන්නේ අනුරාධපුරයටයි.

දුරුතු පුර පසළොස්වක පෝයබුදුන්වහන්සේ උරුවෙල් දනව්වට වැඩම කොට උරුවෙල් කාශ්‍යාප, නදී කාශ්‍යප, ගයා කාශ්‍යප යන තුන් බෑ ජටිලයන් දමනය කිරීම,බුද්ධත්වයෙන් නව වැනි මස බුදුරජාණන්වහන්සේ ප‍්‍රථම වරට ශ‍්‍රී ලංකාවේ මහියංගණයට වැඩම කිරීම,සුමන සමන් දෙවියන්ගේ ඉල්ලීමට අනුව කේශ ධාතු ප‍්‍රදානය කිරීම,කැලණි විහාරයේ වාර්ෂික පෙරහැර ආරම්භවීම හා සිරිපා වන්දනා සමය ආරම්භ වන්නේද දුරුතු පෝය දින සිටයි. දුරුතු පෝය දිනයෙ දී වන්දනාවේ යන සැදැහැවතුන් බොහෝ විට යන්නේ කැලණි විහාරයටයි.

නවම් පුර පසළොස්වක පෝයබුදුරජාණන් වහන්සේ විසින් සැරියුත් මුගලන් අග‍්‍ර ශ‍්‍රාවකයන් වහන්සේලා පත්කර ගැනීම,බුදුරජාණන් වහන්සේ ප‍්‍රථම වරට සංඝයා වහන්සේ රැස් කරවා සංඝ සම්මේලනයක් පැවැත්වීම,භික්ෂූන් වහන්සේට ඕවාද ප‍්‍රාතිමෝක්ෂය දේශනා කිරීම, බුදුරජාණන් වහන්සේ ආයු සංස්කාරය අත්හැරීම නවම් පෝය දා සිදු වූ වැදගත් කරුණුයි.

මැදින් පුර පසළොස්වක පෝයබුද්ධත්වයෙන් පසු බුදුරජාණන් වහන්සේ පළමුවරට ස්වකීය නෑයන් බැලීමට කිඹුල්වතට පැමිණීමට ගමන් ආරම්භ කිරීම මැදින් පෝය දින සිදු විය.බක් පුර පසළොස්වක පෝය,බුදුරජාණන් වහන්සේ දෙවන වරට ලංකාවේ නාගදීපයට වැඩියෙ බක් පෝය දිනයි. චූලෝදර මහෝදර නා රජුන් සමගි කරවීම.

(විශේෂ ස්තුතිය : විසාකා දිසානායක මහත්මියට)

Share

දිගටම කියවන්න ->>

"සිරසට" මගෙන් මල් මිටක්.....

2600 වෙනි සම්බුද්ධත්ව ජයන්තිය ඉතාමත් බැතියෙන් සමරන ලක්වාසි සියළු දෙනාටම මේ දිනවල ඉතාමත් පිංවන්ත, දුර්ලබ අවස්ථාවක් උදාවි ඇත. එනම් අග්‍රශ්‍රාවක වහන්සේලා වන සැරියුත් හා මුගලන් මහරහතන් වහන්සේලාගේ ධාතුන්වහන්සේලා වැදපුදා ගැනිමට අවස්ථාවක් ලැබි තිබිමයි. මේ උතුම් පුණ්‍යකර්මය සිදුකරනුයේ "සිරස" මාධ්‍ය ජාලයේ මුලිකත්වයෙනි. එක් අතකට සිරසට මෙවැනි දෙයක් කිරිමට සිත් පහල විමත් පුදුමයට කරුනක්. එත් රටේ තිබෙන අනිකුත් රාජ්‍ය හා පෞද්ගලික මාධ්‍යත් එක්ක බැලු කල මෙය නම් අගේ කලයුතු පුණ්‍ය කටයුත්තකි.

ශ්‍රි ලාංකේය අභිමානය යැයි කියා ගන්නා අනෙක් නාලිකා නරබන්නන්ව මෝඩයන්ට අන්දමින්,විකාර දේවල් කරනා මෙවන් යුගයක සිරස මේ කල දේ අනෙක් නාලිකා ප්‍රධානිනුත් ආදර්ශයට ගන්නේනම් අගනේය. පුහුආටෝප නැතිව ස්ටෙජ්වලට නයි අරින්නේ නැතිව රටකට සමාජයකට වැඩදායක මෙවැනි උතුම් කර්තව්‍යන් අනෙකුත් නාලිකාත් කිරිමට පෙලබේනම් රටත් ජාතියත් සංස්කෘතියෙත් දියුණුවට එය මහත් පි‍ටුවහලක් වනු ඇත....

Share

දිගටම කියවන්න ->>

සියළු සතන්හට මෙත්,කරුණා,මුදිතා ගුනයෙන් පිරි සුභ වෙසක් මංගල්‍යක් වේවා!

අද අපි මේ සමරන්නේ 2600 වෙනි සම්බුද්ධත්ව ජයන්තියයි. සැම ගමකම,නගරයකම පාහේ මේ දිනවල ආමිස හා ප්‍රතිපත්ති පුජා බොහෝ සෙයින් දැක ගත හැකිය. අප සම්මා සම්බුදු තිලෝගුරු ගෞතම බුදුන් වහන්සේගේ තේමගුල සමරන මේ වෙසක් කාලය තුල සැම සිත් මෙත්,කරුණා,මුදිතා ගුනයෙන් බරවේවා! අද විතරක් නෙවි සැමදාකටම මේ ගුනයන් මිනිස් හදවත් තුල සදාකාලිකව ගැබ්ව තිබේවා! මිනිසුන්හට පමණක් නොව සියළු සත්වයන් හටද මේ මෙත්කරුණා ගුනය පතුරවත්වා!


මහමේව්නාවේ සිංහල-පාලි විරුවානා පොත් වහන්සේ මෙම මහමේව්නා අඩවියෙන් ලබාගන්න....

Share

දිගටම කියවන්න ->>

බින් ලාඩනුත් ව්‍යාඝ්‍රා ‍ඹෞෂධය පාවිච්චි කරලාලු...

(මුලාශ්‍රය :lankacnews)
අල්කයිඬා නයක ඔසාමා බින් ලාඩන් විසින් භාවිතා කළ ‍ඹෞෂධ අතර බෙලහීනතාවයට ප්‍රතිකාර ලබා ගන්නා ව්‍යාඝ්‍රා ‍ඹෞෂධය ද තිබී ඇති බව බටහිර මාධ්‍ය විසින් වාර්තා කර සිටියි. එපමණක් නොව, බින් ලාඩන් සැගව සිටි පකිස්ථානයේ අබ්බොත්තාබාඩ් මන්දිරයේ තිබී කාමූක නිල් චිත්‍රපට ද, සොයා ගත් බව නවතම බටහිර මාධ්‍ය වාර්තා වල සඳහන් වේ.

බින් ලාඩන් සැඟව සිටි ඉහත මන්දිරයට කිසිදු ජනමාධ්‍යවේදීවෙකුට මේ වන තෙක් ඇතුල්වීමට නොහැකි වී ඇති පසුබිමක බටහිර මාධ්‍ය ජාලය විසින් බින් ලාඩන්ගේ මන්දිරයේ තිබී මෙම ද්‍රව්‍ය කෙසේ සොයා ගත්තේ දැයි සනාත කළ නොහැකි වාර්තා මත පදනම්ව පළ කිරීම තුළින් ඔවුන් විසින් බින් ලාඩන් ගේ චරිතය ඝාතනය කිරීමේ ව්‍යාපාරයක් දියත් කර ඇති බවක් ද පෙනී යයි.

ඇමෙරිකානු සීල් හමුදා කණ්ඩායම විසින් බින් ලාඬන්‍ සැඟව සිටි මන්දිරයේ තිබී සොයා ගනු ලැබූ ඡායාරූප විශ්ලේෂණය කිරීමේ දී “අවෙනා” නැමැති ව්‍යාඝ්‍රා පැණිය ද, දැක ගත හැකි බව බ්‍රිතාන්‍යය ටෙලිග්‍රාෆ් මාධ්‍යය වාර්තාවක සඳහන් වේ.

ඉතාලි අන්සා වෙබ් අඩවි වාර්තා වලට අනුව බින් ලාඩන් විසින් ව්‍යාඝ්‍රා භාවිතා කළ බවට පකිස්ථානු මාධ්‍ය වාර්තා වල සඳහන් වන බව සඳහන් කර සිටියි.
සම්පුර්ණ පුවත මෙතනින්
Read this

Share

දිගටම කියවන්න ->>

බින් ලාඬන් මැරුනේ උණ හැදිලාලු....

(මුලාශ්‍රය :lankacnews)
අල්-කයිඬා නායක ඔසාමා බින් ලාඬන් මීට බොහෝ කලකට පෙර උණ ගැනීමෙන් මිය ගිය බව ඉරාන බුද්ධි අංශය නැවතත් ප්‍රකාශ කර සිටියි.

පසුගිය මැයි 2 වන දින ඇමෙරිකානු නාවුක සේනාංක මෙහෙයුම් කණ්ඩායමක් වන සීල් මෙහෙයුම් කණ්ඩායමක් විසින් පකිස්ථානයේ දී ඔසාමා බින් ලාඬන්ව ඝාතන කළ බවට කරනු ලබන ප්‍රකාශ කිසිසේත්ම පිළිගත නොහැකි බව ඉරාන බුද්ධි අංශ ප්‍රධාන අමාත්‍යය හයිඩ්‍රා හොස්ලෙහී (Heydar Moslehi) විසින් ප්‍රකාශ කර ඇති බව රෂියා ටුඩේ වෙබ් අඩවිය වාර්තාවක සඳහන් වේ.

“ඔසාමාට ඉතා දරුණු උණක් තිබුණා. ඔහු එම උණ හේතුවෙන් මිට බොහෝ කලකට පෙර ස්භාවික ලෙසම මිය ගිය බවට සනාත කළ හැකි ඇසින් දුටු සාක්ෂි සහා සනාත කළ හැකි ලිඛිත වාර්තා අප සතු වෙනවා.” යැයි හොස්ලෙහී විසින් ඉරාන මාධ්‍ය වෙත පවසා ඇතැයි එම වාර්තාව සඳහන් කර සිටියි.

ඇමෙරිකානු ජනාධිපති බරක් ඔබාමා විසින් බින් ලාඬන් මරා දැමූ බවට ප්‍රසිද්ධියේ ප්‍රකාශ කරනු ලැබුයේ ලබන වසරේ එළැඹෙන ඇමෙරිකානු ජනාධිපතිවරනයේදී ඔහුට විශාල ප්‍රසිද්ධියක් ලබා ගැනීමේ අරමුණින් උපක්‍රමයක් ලෙස බව ඔහු නැවතත් ප්‍රකාශ කර ඇත.
වැඩිපුර තොරතුරු මෙතනට ගොස්ම කියවන්න...

Share

දිගටම කියවන්න ->>